搵唔同工作要整不同版本？HR 解答6大CV及Cover Letter常見疑難

上次同大家剖析咗招聘廣告嘅常見疑難，今日就去到搵工第二步︰「CV 及 Cover Letter 」！

1. 有人話，應該根據唔同嘅工作而預備唔同版本嘅CV，呢個講法究竟啱唔啱架？

Miss M （金融機構HR）： 咁樣的確係比較好！可以簡單地根據唔同嘅Position，喺原本嘅CV上做返少少修改即可。

R.D. （國際獵頭公司Recruiter）： 某程度上正確，有啲工作比較注重學歷等專業要求，有啲就比較注重工作經驗，有啲就需要睇portfolio。所以預備不同版本，不同先後次序嘅CV係好事。

2. 我應唔應該喺CV上 放自己嘅相？使唔使加入彩色設計？

R.D. （國際獵頭公司Recruiter）：  因應工作類型而有不同。假如你嘅工作需要時刻對外、面對客戶，都建議擺放相片。至於彩色設計，個人認為唔係必須。

A sir （資深IT Recruiter）： 大部份工作都唔需要。

C 小姐 （香港大型企業HR）： 如果你係apply marketing／creative嘅工, 彩色嘅設計就會show到你個人性格同埋吸引到hiring manager嘅眼球。但如果係一啲 finance／hr嘅工， formal 啲嘅CV就比較好啦 !

▪ 免費CV生成器附教學！5分鐘完成履歷表靠Canva，較Word簡單媲美InDesign

▪ HR真心話！大專生疫境求職無回音？4招解救石沉大海的CV

3. 究竟有咩唔需要放落CV？有啲咩放左會加分？

A sir （資深IT Recruiter）： 中學階段嘅成就就唔需要啦。盡量寫返同申請職位相關嘅資料，例如技能、工作經驗或者證書等，有需要可以放係附錄，保持CV 簡潔，無關嘅資料或經驗就可以刪除。

C 小姐 （香港大型企業HR）： 中學時期嘅achievement都唔需要放入cv，一來與申請工作無關，唔會加分；二來令到CV冗長，反而扣分。

4. 其實而家HR 會唔會睇Cover Letter？有無需要一齊 Send 埋？

R 姐姐 （公營機構HR）： 有啲公司會係求職廣告列明，要求求職者提交cover letter，咁呢啲情況HR就一定會睇。如果冇列明要求cover letter，可以自己選擇send 唔send。雖然未必每個hr都會睇，但寫得好嘅cover letter一定可以幫你留低好印象㗎！

Miss M （金融機構HR）： 而家都唔太睇Cover Letter ……

▪ 唔想轉工都寄CV試水溫？ 騎馬搵馬4大好處 忌表現「唔恨做」

▪ 6項不一樣的軟技能兼例子！CV最好寫幾多項Soft Skill？

5. 我唔係太識寫CV 同埋 Cover Letter，如果抄網上嘅template 得唔得？

A sir （資深IT Recruiter）： 可以，但要睇清內容，多做proof reading。

R 姐姐 （公營機構HR）： 抄就唔好喇，參考下當然冇問題啦！每份工嘅要求都唔同，最好按照番不同嘅要求去tailor-made 你嘅CV 同 cover letter 啦！

 6. 如果我有好多 Cert、獎狀之類嘅文件，需唔需要係 apply 階段就send 埋比HR？

C 小姐 （香港大型企業HR）：  Interview嘅時候帶齊就可以 ！求職者都要保障自己嘅私隱，因為cert 呢一類都係你嘅私人文件！

R 姐姐 （公營機構HR）：  如果僱主係apply 階段冇特別要求你交上述文件，其實都唔需要趕住交。有面試機會嗰時再帶埋證書嘅正副本，交比面試人員check 就得架喇！

今日傾住咁多先！下次繼續探討搵工策略！

此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。