一句說話激到工程人噴火

人言可畏，無論做咩行業，一句難聽嘅說話絕對可以令打工仔本身已經好辛苦嘅工作，再惡頂多幾錢重。工程人聽到啲咩說話，會激到佢哋即時嘔血呢？

1. 唔熟嘅朋友：「做工程係咪日日坐喺度，un un腳就搵三皮幾？」
   
   
2. （讀書時）阿媽：「吓？點解唔讀醫啊？商科都好吖？隔離李太個仔做會計，宜家搵緊X萬蚊一個月喎！」
   
   
3. 老細：「吓？加人工？今年原材料加價，公司蝕緊錢喎。」（年年都講）
   
   
4. 則師：「好少嘢改，今日要。」
   大判：「你喺度搞乜＿嘢呀！你同我死＿掂佢呀！」
   下家：「你搞＿掂未呀！阻＿住哂個地球轉！＿你＿＿！」
   Inspector：「你整＿咗啲乜＿嘢出嚟？你唔＿係要我收貨下話！」
   安全主任：「……（影你相）」
   
   
5. 老細：「梗係買平啲嗰隻料啦！咁都要問！」（完成後）「你整舊垃圾出嚟做乜嘢呀！」
   
   
6. （意外受傷時）老細：「你嗰陣時唔係做緊工作範圍嘅嘢，我哋處理唔到㗎喎！總之唔好報去勞工處啦！」
   
   
7. （轉工時）HR：「你有10年Project Engineer經驗？不過你做開嗰行唔同我哋嗰行，我哋唔當係經驗喎，人工會offer返junior嘅starting畀你。」
   
   
8. （收工時）阿媽：「做乜晚晚都做到十一、二點先返屋企㗎……隔離李太個仔做會計，都冇你咁辛苦！」
   
   
9. 李太：「咦，你阿媽好似話你做工程㗎喎！我屋企部電視壞壞地，你得閒幫我睇吓吖！」
   
   
10. 丘國良：「一出嚟就大把人請，人工仲……哈哈哈哈！喂，我想同太太搵疊靚樓呀！」（1988年香港經典廣告）。
    
    

 (image via memeaddicts)

延伸閱讀：

售前工程師 要識sell又要識IT 年薪高達百二萬 唔使考牌但入行超難

香港的Fintech到底落後了幾多？金融科技實現無現金社會、開創各種交易服務

工程師不止修橋築路，多元範疇，哪類型適合你？

此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。