乞客:聖誕節外出食飯注意事項

又到聖誕節啦!一年一度燒錢盛事又嚟啦!雖然有好多聖誕聚會,不過最緊要梗係同Honey去食嗰餐啦!以下係一啲聖誕節外出食飯嘅注意事項,好讓各位朋友仔過一個既安全又快樂嘅聖誕節。

乞客:聖誕節外出食飯注意事項

1.記得訂枱同及早畀訂

聖誕佳節出外食飯點何能唔訂枱呢?唔訂枱到時Walkin有排等之外,仲會可能招至伴侶殺身之禍。除咗訂枱之外,好多時餐廳都需要畀訂金以確認訂枱。而Receptionist亦會根據落訂先後去安排靚位同Request(如窗口位、卡位)。所以如果你成個月前訂枱,但三催四請後先施施然聖誕前一兩日先畀訂,都好有機會無靚位坐。同埋記得唔好做傻豬豬問人點解明明Request咗窗口位都無得坐!個原因都係只得一個,你唔夠人早畀訂囉~要記住Request咗唔等於一定有㗎!

▪大量炒散兼職位,外快向你招手嘞﹗

2.查清當天餐牌食物是否適合

聖誕佳節好多餐廳都會做特定聖誕大餐,而捨棄傳統散點餐牌。咁樣做除咗係為應吓節之外,當然主要原因係可以收貴啲啦。而一般Set Menu每項菜式有可能係無選擇,或者只有二選一。如你位朋友仔或者伴侶對某啲食物敏感或者唔歡喜,應該及早打畀餐廳查詢一下,可唔可以更改部份菜式。因為到當日先出聲,基本上係無乜可能轉到,轉到嘅有可能都未必啱你朋友心水。不過仍然會有少量餐廳有散點餐牌,但注意,好有可能會收每位最低消費。




▪【聖誕限定兼職】各大商店召喚扮工仔專員、包禮物達人 節日打工時薪多兩成

3.學定少許餐飲英語旁身


一般中高價西餐,好多時都會想營造西式氣氛,劈頭第一句都會用英文問水打招呼。加上,好多小酒館都會請外籍員工,所以學返一兩句英語傍身是很重要的。一般來講,通常一開波都問你飲乜水,選擇一般有Still 同 Sparkling。Still就係無汽水,Sparkling就係有汽,不過記住呢啲水係收費的,一般50-80蚊不等。如果當日唔係同情人進餐,而係一大班朋友食飯,唔想畀貴水時,都可以問有無Tap water,即係水喉水,咁就會免費啦。另外牛扒成數都要學好,唔好講 “I want 60%”,最通常叫5成熟叫Medium、7成熟就Medium Well、全熟就Welldone。不過靚扒叫Welldone有機會畀人歧視的。



如果唔炒散,轉長工就撳呢度啦﹗

4.自備禮物切忌過大


香港地少人多,非集團式嘅小餐廳地方淺窄,可能無辦法安置過大嘅禮物,如大熊啤啤,花束。如需要帶備大禮物,亦應提早問一問餐廳有無地方安置,最怕到時無位要擺喺大脾成晚影響成個餐飲過程。



▪【普通話出路】兼職導師、前線銷售易賺錢,口語傳譯員時薪逼近千元大關

5.耐心等候食物安排
聖誕呢啲大日子

餐廳多數分時段進行同提供套餐,大量同一時間出餐同下單都幾大機會造成混亂,特別係一啲非集團模式嘅小餐館。有名你叫世界知名冧檔日,所以大家都係耐心一啲等一下,同伴侶/發展中嘅朋友仔深情對望一下,如非必要都真係唔好催單。

店小二Mary
90後大學設計系畢業,任職餐飲接近10年,初初做飲食純粹玩吓做吓炒散,到試過做office工,反而鍾意做返侍應。10年嚟serve過唔少經典麻煩客人,故開設FB專頁「乞客The Beggar in the Restaurant」,分享餐廳搞笑事及職場嘅各種心酸屎。

 

延讀閱讀:

乞客:客人寶寶搞笑英文語錄

乞客:5個餐飲界朋友應該離職的原因

【冇淡季】世界冠軍級扭氣球師 節日平日都爆show 時薪千元 日走六場

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案