介紹朋友入公司,「伏」喺邊度你要知

介紹朋友入公司,「伏」係邊度你要知

爲咗確保招聘嘅質量同簡化篩選應聘者的過程,好多公司都會設置「引薦獎金」鼓勵員工介紹親朋戚友,獎金數額從幾百到幾千不等。但千萬唔好以爲介紹到人入來做就有「數」,分分鐘變成一個「伏」。

 「第一伏」:被公司遷怒

正所謂「人夾人緣」,朋友同你「糖黐豆」,但有可能同公司某位同事「火星撞地球」。一個不好彩呢位同事又係老闆身邊的紅人嘅話,分分鐘連作爲介紹人嘅你都無運行。老闆會認爲,介紹個咁樣嘅人入來公司,係你辦事不力,從而對你嘅印象一落千丈。

「第二伏」:與朋友於工作中起摩擦

同朋友玩得埋就不代表可以一齊共事,萬一因爲公事同朋友起爭端,損害友誼,連friend都沒有得做,就真的不划算了。

「第三伏」:朋友有意無意透露你嘅過去

可能他真係無心之失,但畢竟因爲對你太了解,可能一時口快將你嘅私事公諸于眾,令你尷尬。

 所以在介紹朋友之前,一定要考慮:

  1. 朋友轉工/辭職嘅原因。如果令他/她在舊公司不愉快的事情在自己公司同樣會發生,咁就無畏浪費時間介紹了。
  2. 自己同朋友的關係如何,切忌將男/女朋友介紹入公司做同事,以免不必要嘅麻煩。
  3. 他/她能否適應公司同事的工作方式和處事態度。
  4. 朋友的工作能力能否勝任工作。
  5. 公司同事會否對我介紹朋友入公司有流言蜚語

俗語有話「唔做中,唔做保,唔做媒人三世好」,其實真係不無道理。「引薦獎金」固然吸引,但錢有時真係不是萬能的。

 

New jobs every day means new opportunities. Don't miss out. Create a Job Alert