低卡零食,頂住肚餓開會唔駛咕咕響

零食

一日八至十多個鐘坐喺辦公室,除咗早餐同午餐,起碼有六個鐘都係冇嘢到肚,如果再加埋OT,唔單止你個胃 ﹝同心靈﹞變得空虛,開會靜默一片時你個肚咕咕聲響就鬼死咁尷尬。所以,尤其OL,既想食又怕身材走樣呢樣嗰樣,不妨考慮以下幾項美味的低卡零食,喺辦公室頂住肚餓,準備長期作戰又唔怕會食肥:

非油炸焗薯片

一提薯片就yummy!報章經常有報道指油炸薯片不宜多吃,基於熱量過高、含納超標。市面上現有不少非油炸的焗薯片,既低卡又低鹽,亦不失炸薯片的最高享受。周末如有空,你也可以買一至兩個馬鈴薯實行DIY健康薯片,只要將薯仔切成薄片,加適量的牛油和食鹽,然後放入焗爐焗20分鐘,外皮香脆的低卡薯片就此完成。

高鈣小銀魚乾

小小銀魚乾不但可口,營養價值仲好高。它們含有豐富鈣質及維生素D,幫助強健骨骼,亦可增強骨骼代謝。小小銀魚仔仲包含天然魚油奧米加3脂肪酸 (EPA及DHA),有助降低血壓和預防心血管病,亦可提升專注力及記憶力。偶爾在正餐之間吃少量銀魚乾,醒腦提神,令辦事更有效率﹗

脆香果仁

果仁上榜唔出奇,但亦有人說因果仁含脂肪量高,吃得多總會致肥。但其實果仁所含的脂肪都是不飽和脂肪酸,有助踢走血液內的壞膽固醇,而且果仁含有豐富的蛋白質及抗氧化物,能補充能量之餘,亦可以促進新陳代謝。所以吃適量果仁係唔會有增磅嘅危機,仲越食越青春。

低鹽紫菜

紫菜含有豐富的礦物質,加上高纖維及低熱量,一次過吃幾片都唔會擔心致肥。不過,坊間出售的紫菜,有部分鹽分偏高,進食後令人吸入過量的納,容易對腎造成負擔,亦會令血壓升高。因此,在選擇紫菜作為零食時,揀選原味或低鹽種類就可吃得安心又健康。

高纖燕麥曲奇

傳統曲奇餅都是高油、高糖及高脂,但高纖燕麥曲奇就撇除晒呢三樣對身體有害的元素。而且燕麥會令人有飽足的感覺,在正餐之間吃幾塊燕麥曲奇,進食午餐或晚飯時就不會吃得過飽,有助控制體重。

不過,樣樣食物都係適可而止,同埋緊記長期作戰正餐不可或缺,最重要祝各位可以準時收工,唔駛捱餓!