出席活動做足準備,建立人脈唔會「口窒」

活動

無論你係搵緊工定係想掌握更多行業情報,參與商業聯誼活動,確實係最適合不過,除咗可認識更多同業精英,更可提升競爭力。但對於唔慣打交道嘅人,尤其係剛入行嘅打工仔嚟講,恐怕出席社交場合會容易怯場口窒窒。不妨參考以下實用建議,助你出席活動時取得更高成效。

預早做足準備

出席活動前先上網查看活動的背景資料,如發現同類型的活動有好幾個,可先參與最有興趣的行業,從中了解多些行業情報。

設定合理期望

就算做足準備功夫,亦唔好期望咁高。例如唔好諗住能順利接洽到所有出席嘅機構代表。凡事莫強求,唔好俾自己咁大壓力,順其自然便可。

閒談中掌握有用情報

喺嚴肅嘅商業活動場合,閒聊反而容易與陌生人打開話閘子。透過閒談可逐步跟同業建立友好關係。傾談時先以友善態度作自我介紹,並保持微笑。

發掘共同話題

閒聊話題唔一定要圍繞業內行程,應以自然方式展開對話。閒談前事先觀察現場情況,以便找到共同話題,例如當日活動反應踴躍,你可說:「今日好熱鬧啊﹗」從小處著眼,便更容易展開對話。

留意身體語言

出席活動期間,要時刻展現友善嘅身體語言,例如透過眼神接觸或微笑,令人覺得你容易接近。

想要收穫,必先付出

出席商業聯誼活動時,唔少人嘅目的係想向同行取經。所以要諗吓你有咩心得可以分享,懂得互惠互利,才能建立長遠關係。

保持禮儀,不失大體

某些活動場合可能有美食款待,謹記保持餐桌禮儀。若大會提供酒精飲料,喝一、兩杯當然無傷大雅,但切忌忘我暢飲,一來酒醉後容易失態,二來會令人感覺你玩世不恭,不值得信賴。

珍視每次寶貴體驗

活動結束後,無論能否認識到業內人士,都要心存感激,能夠有機會參與拓展人脈活動,確實是難能可貴的經驗。當你越積極投入,便會領略到這些體驗都是有助發展事業的有利途徑。