升上team head,昔日戰友即刻反轉豬肚

teamhead

捱緊騾仔嘅你,係咪一直以為職位越高,做嘢越爽?有讀者就同我哋分享佢升職嘅感受,想同大家講返一句:「少年,你太年輕了!」


我好似係一個 team head,冇錯,係「好似」。

我啱啱加入公司一個月,patpat都未坐暖,就老細assign咗做team head(註:公司請我時冇話俾我做team head)。我當然飄飄然啦,原本只係諗住入嚟hea吓,點知突然畀咗個呼風喚雨嘅能力我,梗係得戚啦。不過,呢個世界又邊有免費午餐㗎?

當我做咗team head之後,我就發覺唔對路啦。under我嘅有兩個人,有一個男仔喺公司做咗10年,職位比我高,我而家要做嘅嘢,差唔多全部都由佢整出嚟;另外一個女仔,原本under呢個男仔,而家變咗report to我。

原本諗住冇乜嘢,話晒都係老細叫我做team head,個男仔雖然高級過我,但都應該冇得唔聽我支笛。但實情係,佢唔單止唔聽我支笛,仲玩我,一句「你係team head冇理由唔識」神回我,我真係企咗喺度,但我又真係冇佢辦法,因為有好多嘢我真係唔識做。佢有時會留難我,叫佢做嘢又唔幫我做,甚至特登做錯畀我,累我老細鬧。我試過投訴,結果係老細話返我做得team head,就要識得處理呢啲情況,再講多兩句,仲話埋我管理不善。我真係好想講,管理不善嗰個係你,最初係你要我做team head。

我而家先知道,team head呢個聽落可以呼風喚雨嘅位,原來唔係每個人都啱做,夾係中間,高不成低不就。除非你有真本事,仲要有應對老細同管理下屬嘅能力(仲要係比你高級嘅下屬),否則你嘅下場就會好似我咁,兩面不是人。

如果可以揀,有冇人想同我換。

(image via WhatsCap)

 

你有沒有一些有趣又深刻的職場故事,想與網友分享?
歡迎將你的故事電郵至[email protected]

 

延伸閱讀:

[職場故事]新手空姐遇上火爆大小孩

[勵志職場故事]速遞員送貨遇上未來外母?

[職場故事]做零售真係搵命博

 

此文章由jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案