唔想轉工都寄CV試水溫? 騎馬搵馬4大好處 忌表現「唔恨做」

FacebookWhatsAppTelegramEmailCopy Link

有網民在論壇開po問:「有冇人冇諗轉工都會send下CV?」

原來好多網友雖然冇轉工念頭,但都會寄履歷,抱着一試無妨心態,不過亦有人不表贊同。

有工返都寄CV一派:

「我會,想睇下自己會岩咩職位。」

「得閒仲會請假去interview,收到offer就reject,睇到hr求我個下勁爽。」

「我覺得本身有份收入唔錯既工,去in其他工種既工 ,同人地HR interview 會冇果種緊張既心情,反而好似同佢辯論咁,同埋講野自信好多。通常in完人地都比offer 但自己失左蹤。」

「其實會,睇下自己人工有無得升。」

「Keep 住睇下自己有無市有無價,順手了解下唔同公司動向。」

搵工至會CV,因為:

「真係想做先會APPLY。」

「咪搞,俾晒自己啲個人資料對方,又唔知佢會點用。你話真係搵工就無計。」

「有啲行業好窄,來來去去果幾間, Reject 哂以後要轉行喎。」

有興趣的讀者可睇番原po

▪ 【CV履歷表】如何增加求職成功率?認清不同職位所需軟技能兼舉實例

▪ 整理CV的那些疑問—為何不要超過兩頁紙?不建議使用CV builder?

騎牛搵馬,相信係絕大部分打工仔都做過的「運動」。然而,已經騎住匹好馬在職場上馳騁,卻放眼四周,再尋覓有冇其他良駒來比較一下,又是否屬於有利職涯發展的舉動?

騎牛搵馬,對於職涯規劃,應該是利多於弊。事關在職場新常態下,很少工種可以讓打工仔「從一而終」,縱使有份好工在手,未打算轉工,但見到空缺,無論心儀與否,像樓主般send封CV去試下,實不為過。先來盤點有理冇理,當寄CV成為習慣時衍生的好處。

緊貼招聘市場

樓主沒有因為有工返,無需要搵工兼唔想轉工,而忽視本地就業行情;相反,依然密切留意招聘市場,見到相關職位空缺,便寄求職信,實行有殺錯,冇放過,抵讚!的確,在香港失業率仍處高位,疫情一波未平一波又起的現狀下,打工仔更應居安思危,掌握自身行頭的求人景況,旁及其他行業請人炒人走勢,以至世界政經大事情報,成為「得資訊,得天下」的醒目打工仔。當然,寄CV前,做定功課是常識吧。

順勢更新履歷

那份功課就是update個人履歷表。CV的內涵,須隨工作經驗日益豐富,以及職責愈重而與時並進。人有惰性,無意跳槽的話,求職時精雕細琢的履歷就此被閒置,不見天日。若有不時send下CV的「興趣」,懶極都會微調履歷,積極的更趁機大肆修改,將應徵信整靚啲,為個別職位度身打造就更理想。寄CV是本少利大的遊戲,心思是最大成本。平凡行貨,甚至錯漏百出的版本,漁翁撒網都會石沉大海,send來嘥氣。

磨練見工技巧

Bingo!精進CV有回報,獲HR青睞,得到寶貴面試機會。人求事時,心情患得患失,往往會影響見工表現。但有工揸拿,又未想轉工,情況大不同。網友亦指出,沒有急於求成的包袱時,見工較有自信,打工仔大可善用這份自信來強化面試技巧,尤其針對自身弱項加以提升,如改善言談舉止、掌握解答FAQ竅門、克服講英文等,以後真‧轉工時便大派用場。此外,藉interview之際到訪不同機構,接受不同HR高手的挑戰,絕對長見識。

測試自身市價

最終亦是最大的目的,莫過於獲聘了。接着最引人入勝的,就是得到甚麼職位和薪金,屬expected的如願以償,抑或預期之外呢。當求職者順利過關,資方肯每月用真金白銀來買他的技能與經驗,某程度切實反映出該位打工仔的身價。所以想知自己在求職市場上有冇競爭力,在自家行頭或其他行業有冇利用價值,send下CV也許可測試到一二。若要和公司bargain人工加幅,都有個依據。

▪ 免費CV生成器附教學!5分鐘完成履歷表靠Canva,較Word簡單媲美InDesign

▪ CV Send得多就代表面試機率高?濫發心態隨時釀信心危機 愈搵愈Hea!

但有馬騎,仍然花時間搵另一隻千里馬,不是不煩人的,例如:

試水溫的成本

縱使send CV本少利大,但起碼工餘須花點心機和時間tailor made履歷,萬一有得去面試,既要請假,試前亦要稍作準備,世間沒有不勞而獲的事。而盛載不少個人就業資料的履歷,也不宜隨便廣傳。

有得揀的苦惱

現職的吸引力,促使打工仔未有轉工的念頭,如果新舊強弱懸殊,自然毋須考慮。假若新offer給予的名(title)利(salary)甚具誘惑力,打工仔大有可能患上選擇困難症,去或留,傷透腦筋啊。

拒絕得多終遇虎?

打工仔衡量過後,對新offer say no,堅型。睇見對方不解的樣子,勁過癮。但拒絕時要「保持儀態」,忌流露「唔恨做」的真實情緒,始終做人留一線,日後好相見。另一方面,如同網友指出,有些行頭太細,reject得多,玩過火,恐怕要轉行了。

 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及JobsDB保留採取法律行動的權利。

想收到更多JobsDB最新職場資訊?

熱門文章
相信各位打工仔,一定經歷過見工被HR壓價的慘況,但近日就有網民於討論區分享自己收Offer的「意外待遇」,引發網民熱烈討論。  樓主發文表示自己收到Offer,但公司竟沒有壓他價,而是「壓grade」,對此感到不解,於是開Post問廣大網民:咁係代表咩? 帖文一出,網民紛紛發表己見:  「人工就係最誠實既grade。」 「Grade低啲少啲責任,人工又高咗30%,唔係好著數先啱咩?」 「Title越低人工升幅潛力越大。」 「人工同grade係掛鉤,你人工唔夠高所以唔可以拎嗰個grade。」 「HR都係睇條友嘅current salary,同埋加咗increment 之後,match到自己公司邊個Grade。」...
疫情打擊各行各業,失業率上升,搵工變得更難,逆境當前,卻是打工仔裝備自己、華麗轉身的良機。不少人正經歷事業瓶頸甚至失業,有原本任職數碼營銷的人員利用3個月失業時間自學,成功轉行做UX/UI設計師,人工飆三成半;也有行政職員在職期間進修獲取專業資格,疫下轉身一躍,晉身上市公司秘書,人工暴升五成。人力資源專家分析,華麗轉身的關鍵在於努力儲skill sets和緊貼市場脈搏。 30歲的Ashley原本任職廣告公司數碼營銷助理,疫情期間公司流失大量客戶,老闆心情欠佳多番奚落員工,Ashley萬念俱灰下裸辭。失業後她沒有搵工,一直鍾情設計的她決定給自己3個月時間,由零開始學習成為一名UX/UI設計師。 參賽換面試機會 轉行人工加三成半 設計應用程式及網頁的UX/UI行業近年迅速堀起。Ashley既無經驗,也無相關學歷。她首先利用Adobe XD等大熱免費資源學習設計工具,快速上手掌握設計APP介面的基本功;同時報讀為期兩個月的Boot Camp速學基本coding,例如Javascript、HTML等。她指UX/UI設計師雖不用兼任coding工作,但擁有基本編程技巧可了解介面設計的可行性,縮短trial and error的時間。她指出,有志入行者未必需像她般裸辭瞓身,但千萬別否定自己,盡快踏出第一步,「你永遠唔會覺得係時候或者夠料轉行,但其實網上大把資源,係睇你夠唔夠膽踏出第一步」。...
喜利得(Hilti)一直尋求突破及團隊合作的企業文化,不僅展現於長期以來為建築業提供先進技術及解決方案,在人才發展方面,亦貫徹同一宗旨,從不固守傳統由上而下的職場階級,而是以人為本,成功激勵工作團隊時刻熱誠地投入工作,甚至在「疫」境當前,員工也樂意和公司並肩同行,將「建造美好將來」的企業使命,視為一己重任,共同將願景拉近。 關懷員工不是口號  而是付諸實行 如何提升員工向心力,一直是各大小企業關心的課題,人力資源諮詢公司Kincentric於2021年公布的全球僱員意見調查結果顯示,香港區Hilti員工對公司的投入度,名列前茅,向心力得分高達88%,成績傲視該集團在全球的所有分公司。 Hilti(香港)總經理梁瀚恩(Michael Leung)認為,同事之所以對公司產生認同感,主要歸功於企業的「關懷與績效」(Care & Perform)核心精神。「在人才發展方面,我們一向強調情理兼備,而非只著眼於關鍵績效指標(Key Performance Indicators,...

十大熱門搜尋

Scroll to Top

Processing, please wait…