唔靠擦鞋陰招,你也可成為職場紅人

Promotion

職場上想上位,拍馬屁搏老細歡心俾蕉皮人踩呢類老套招數不合時宜又顯得閣下卑賤﹗一味埋頭苦幹不問世事亦唔保證升職加薪有你份。眼見身邊的職場紅人,仕途平步青雲,極得老闆同事歡心,唔靠擦鞋陰招到底佢哋個性有咩特徵?

不只EQ高,仲要主動付出

假設A同B兩位員工的學歷同年資差不多,但兩個只能活一個,作為老闆,你會點揀?A態度積極,經常主動幫同事,又唔介意履行額外任務,一直任勞任怨;B同樣做足老闆要求的任務,但個性被動文靜,推一下郁一下,當被委派做更多工作時,就會皺晒眉頭,或找藉口逃避。你係老闆,你會點揀?你懂的。

不只識溝通,仲要精通外語

一間公司無論規模有多大,都會包含前線及支援性質工作的員工,前者對外,後者對內;現今其實無論邊個崗位都有可能要跟不同背景的人士溝通,不論是客戶、承辦商、傳媒或合作夥伴,而當中少不免有外國人。因此,一個擅長同人打交道,兼操流利外語的員工,實在是公司不可缺少的有利「資產」,不要說老闆,就算在同事眼中,必然會是個令人羨慕又妒忌的醒目仔/女。

New jobs every day means new opportunities. Don't miss out. Create a Job Alert

不只默默耕耘,仲要隨機應變

有啲人每日準時返工,埋頭苦幹,又冇請過病假,點解升職年年冇佢份?最主要原因係佢從來冇突出嘅表現,在老闆眼中係隱形nobody﹗職場紅人點解會係somebody?因為他們懂得睇準時機,例如當公司陷入危機或緊急狀況時,會主動幫忙或提出解決辦法。時刻隨機應變,老闆有難時展現獨特才能,唔怕蝕晒本做多咗,自然容易令佢留下深刻印象。

不只做足二百分,仲要低調行事

可能你一睇標題,會話:唓﹗又話表現自己,又話要低調,好矛盾唧﹗所謂低調行事,係唔好刻意在同事面前「曬命」,例如話:今日老闆加咗我人工﹗或喺社交網站大講特講上司點like你、拎咗個超級金獎……慌死冇人知你有幾威,同事見到唔反感至奇。而且幾時都要俾足面你上司,在上級面前領功領勞,唔會有好前途。