地盤佬日誌—一子錯滿盤皆落索

FacebookWhatsAppTelegramEmailCopy Link

世上每一樣野只要有人這個因素影響就一定有機會做錯。不過呢個世界上有啲嘢就算做得錯,好多部份都過到骨。但係有啲嘢只需要做錯少少就會瀨晒嘢。

2020年薪酬調查報告互動網站等緊你click入嚟﹗即check自己份工嘅人工中位數﹗

容錯率

容許錯誤比較高嘅行頭我諗應該就係紥鐵泥同水油漆,紥鐵只需要鐵嘅數量啱長度啱就算放得冇咁工整都一樣OK,泥水做批蕩厚少少薄少少喺大部份位置都問題不大,油漆就算真係油得差啲就有多兩次多數睇落都唔會太差。不過當然手工好唔好行內人一眼睇得出。呢啲工序通常有咩錯最多都係返手做。

容許錯誤率比較低嘅行頭我諗有水、電同吊運,水同電做得唔好嘅情況我諗有唔少人屋企都經歷過,水如果啲接駁位做得唔好爆喉分分鐘浸晒你屋企,有時仲會流出外面電梯令到電梯都壞埋。電只要有一兩點位置做得唔好輕則成日跳掣重則電死人。吊運只要綁得唔好或者吊具有損壞就有機會死人。

▪ 地盤佬日誌—地盤衛生條件

▪ 地盤佬日誌—價錢、工期、質素成正比?

錯就要認,打就要企定

每個人都會做錯嘢,如果個錯誤比較細可以自己搞掂,不過最怕係有大錯自己搞唔掂,但係又唔出聲最後爆到一發不可收拾,要成組人OT同你執手尾。自知之明對於每個人來講都係好重要,得就得唔得就唔得,千祈唔好唔夠料就扮勁。鬥木佬做門過得到人過得到自己,我最怕就係見到啲學徒技術但係就喺度扮大師傅。判頭老細都有責任唔好俾人電話上面吹到天花龍鳳就信佢,錢就比咗大工價,但係就做啲垃圾俾你最後又俾個客投訴,又要返手做多幾次。

 

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章
 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

熱門文章
普遍人都會認為政府工是鐵飯碗,穩穩陣陣,工作又安穩。在云云眾多的政府工中,有些是較少人聽過,而要求學歷亦不高(且待遇不差),以下可能是筍工中的筍工。 1. 揀信組助理 所屬部門:郵政局 人工:時薪港幣$72 要求: 完成中三學業,或具同等學...

十大熱門搜尋

Scroll to Top