地盤佬日誌—停工

FacebookWhatsAppTelegramEmailCopy Link

對地盤嚟講,停工係全個地盤所有人,上至管理人員,下至師傅們,都最唔想見到嘅情況。因為停工只會令工期愈停愈趕,仲有好多附加文件要處理,而日薪師傅亦都會手停口停。今日就講吓有咩常見嘅停工原因。

天氣原因停工

最多機會出現停工的理由就係天氣,由暴雨到颱風都有機會局部或全面停工,直到天氣好轉。傳統行規,如果師傅返到地盤先叫佢返屋企就要俾半工(半日人工)。不過近年好多判頭都係比一兩百車錢,有啲直頭咩都唔比。颱風就大家一齊停,不過安全佬、雜工雜項佬、棚佬打風前後都會好多嘢做。

我自己印象最深刻嘅就係澳門天鴿個一次颱風,幾層地牢全部浸晒水浸到上地面。我粗略計過最小有八萬立方米水,淨係抽水都抽一個星期,之後完全復工差唔多成個月之後,諗返都覺得好震撼!

▪ 地盤佬日誌—地盤最重視嘅節日

▪ 地盤佬日誌—為咗工程你可以去到幾盡?

安全原因停工

另一個大家都好唔想見到嘅停工理由,就係因為工業意外要停工。通常有咩工業意外死人冧樓,政府人員嚟到第一件事就係停工,之後啲PM同埋安全我(工程師)就會夾份諗點樣去寫返個改善方法。內容好多時都係紙上談兵,現場多數係做唔到,交份改善方案俾政府去游說俾地盤復工,多數都係一兩個星期可以復工。不過之前傳說有啲極端例子,係政府入到地盤發現地盤好多地方無跟批則做,之後政府要佢重新入則,再批則之後先可以復工,停咗幾個之後先可以復工,損失慘重。

大業主原因停工

大業主停工又有分主動同被動,業主主動要求停工多數係因為改圖則,有時係業主想改用途,例如原本做酒店但係突然想改做服務式住宅、原本層樓多四房單位,但係買樓部話開放式好賣啲就改鬼晒佢。

另一個大家最唔想見到嘅情況就係業主被動停工,例如近年內地講嘅資金鏈斷裂,最簡單嘅講法就係業主冇錢找數。要去到停工,多數業主最少無找幾個月數,有時甚至係年幾兩年無找數。呢個時候大判同判頭多數都頂數頂都冇晒錢,之後全個地盤嘅多數工人都冇糧出,基本上成個地盤所有人全部都係輸家。希望大家都冇遇到呢啲情況。

最後祝大家工接工,永遠冇人拖你糧。

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章
 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及JobsDB保留採取法律行動的權利。

 

想收到更多JobsDB最新職場資訊?

熱門文章
「以前呢隻糖好好味㗎,而家咁難食嘅」,友人應了句:「佢無變,係你口味變咗啫」,一語道醒夢中人。隨着年齡增長,改變的又豈只是口味呢?有網民就於討論區分享學生時期與工作後的價值觀差別,結果引起不少社會人共嗚。 樓主以「有咩價值觀返咗工同未讀完書嘅你會有好大差別?」為題發帖,並先列出自己的4大改變: 讀書時期做時薪$30-40的兼職很開心,現時轉工加幾成人工亦無感 讀書時期可投放時間發展興趣,出社會後因擔心沉迷而影響工作表現,較難做到 工作後更珍惜與家人相處的時間 工作後愈來愈「燥底」 其後網民亦相繼分享自己的改變: 「百幾蚊一餐靚lunch覺得唔係好貴」 「讀緊書好捨得洗錢,搵幾多洗幾多,出黎做野就冇曬消費意欲,唔係必要都唔會用錢」 「識琴棋書畫都不如一架跑車」...
Slasher/斜槓,同時擁有幾種身份,好像很好玩,但同時代表心神要不斷轉換,像Cyrus,身兼3職——寵物保姆/離異家庭教育推廣/freelance社工,最近再加多1樣:寵物陶瓷食器師,「有時會有一刻load不到:『咦,究竟我現在要做什麼呢?』」他笑笑:「但我不後悔。」 由陪嗲貓玩變探病貓 從前他是個負責生涯規劃的全職社工,卻沒特別想過自己的生涯。有次有學生問他夢想,他才認真思索,想到做和動物有關的,但自覺沒生物知識當不上獸醫,就不了了之。直到2018年走到瓶頸:「上班不知為什麼,工作開始重覆。」於是辭了職,想放個假,想想可以做什麼。 人可能就是要在停頓時,才能望到他方。那時他養了貓,就去讀寵物美容,後來見有寵物保姆公司請兼職,應徵成功,自此走進正在旅行的人的家中,幫忙清貓砂、洗食物兜、陪貓玩,有時還會遇到嗲貓跳上膊頭扭抱,「從此上班變得很開心。」但有年聖誕,有隻以前照顧過的貓病了,再去時要餵2、3種藥,甚至要臨時帶去看醫生,「由上他家變每日到獸醫處探貓,和開頭想像的『日日和貓玩』很不同。」他頓了頓,「如果我隻貓再老些,可能也是這樣。」保姆的工作,原來也是自己的演練。 餵藥時貓貓往往會躲,「要先和牠玩玩,令牠沒那麼緊張,自己也要不那麼緊張,因為牠都感受到。也要摸索牠們的接受程度,因為如果太強來,餵了都會吐出來。」愛貓的人要看着貓痛苦的樣子,他也不忍,「會特別疼牠,用多些時間陪牠。」圖為以往照顧過的貓貓。 ▪ 不想打死一份工!畢業生做Slashie斜槓族有咩工作選項及好處? ▪ 【全天候WFH】斜槓入門攻略 Slash=高級炒散廢青/窮忙族?...
隨著金融科技(FinTech)逐漸融入大家的生活層面,相關人才已變得愈來愈搶手,其中最熱門的,是數據科學家(Data Scientist),以及開發手機App的人才。有調查指,由於金融服務業、電訊業、E-Commerce以至物流業對上述人才也有龐大需求,因此他們在招聘市場吃香之餘,收入亦跑贏大市。以初入行的數據科學家為例,月入中位數可達2.6萬元左右,至於從事軟件程式開發工作的新人,月入平均約為1.9萬元。這數字與大學聯校就業資料統計庫(JIJIS)所示的「應屆大學畢業生平均起薪點1.6萬元」一比,這兩類工種的確「錢」途無可限量。 ▪ 想成為「Data Scientist」?即刻撳入嚟睇睇! ▪ 想成為「Mobile App Developer」?即刻撳入嚟睇睇! Data...

十大熱門搜尋

Scroll to Top

Processing, please wait…