地盤佬日誌:地盤佬溝唔到女?

好多人會覺得地盤佬係唔受女仔歡迎嘅行業。但係根據我非正式統計,地盤佬裏面嘅單身狗比率絕對唔比其他行業高。(可能因為好多人轉做地盤嘅原因係因為家庭或伴侶嘅經濟壓力。)

地盤佬日誌:地盤佬溝唔到女

▪下載ios版本jobsDB手機app 或 下載Android版jobsDB手機app

▪用jobsDB手機app搵工,AI幫你篩好至啱筍工

外人的誤解

一般人一提起地盤佬就會諗起 粗魯、粗口、嫖、爛賭樣樣齊。等我逐樣講下啦。

粗魯:係,多數地盤佬都好粗魯,不過從事技術性工作嘅人好多時都係粗中有細,真係單純嘅粗人其實係做唔黎嚟。

粗口:老實講做地盤佬其實好難唔講粗口,本身講粗口就已經係地盤文化嘅一部份,不過又唔係每一個地盤佬做到返屋企都會講粗口,見過有啲人返工每一句都係粗口,但係一放工就好似熄咗掣咁一句粗口都唔講。

嫖:好似每一個男人比率特別高嘅行業(廚房運輸地盤等等)都俾人覺得係雞蟲嘅行業,但係我覺得去滾無分職業貴賤,有錢人有有錢人滾嘅方法,窮人又有窮人嘅方法。去唔去滾純粹睇你個人定力。

爛賭:我覺得地盤佬鍾意賭嘅比率算幾高,不過佢地好極端,一係就好懶惰做嘢好「嗱西」、一係就好熱血做嘢好勤力。

立即搜索熱門新工

 

地盤佬有咩好?

地盤佬有咩獨特嘅優點呢?

  • 多數地盤佬都唔怕污糟,因為冇嘢污糟得過地盤(sosad)
  • 人工高,近年香港地盤佬如果開足工的話人工唔會比一般白領低,如果係釘板/紥鐵/石屎佬人工可能比一個中低級白領管理高。(不過無咩福利同容易比人拖薪)
  • 專業的工具人,通常多數地盤佬屋企壞咗任何野佢哋都有方法搞掂佢。刻苦耐勞,擔得抬得。(可惜我弱不禁風)
  • 陽氣超強,我係地盤裏面大大話話都見過過千個地盤佬,不過都冇見過一個乸型。
  • 多數地盤佬都幾顧家㗎,真心講做地盤咁辛苦﹗做得地盤,多數人都係為咗家人生活好一點。

▪ [職場故事]我為何選擇「紮鐵」這條路

▪ 地盤佬日誌:地盤佬的快樂新年

咁地盤佬受唔受女仔歡迎?

雖然我好hard sell 地盤佬係好嘢,不過老實講我覺得香港地盤佬係唔算受香港女仔歡迎,始終藍領在香港社會地位唔算高,不過百貨應百客,如果你係一個優秀嘅男人,不論你係地盤佬定垃圾佬就會好似漆黑中的螢火蟲咁,最後都會找到你嘅the one

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章

延讀閱讀:

地盤佬日誌——做地盤好好搵?

地盤佬日誌:新。地盤佬

工程界人才需求大 盈電工程積極增培訓留人才

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

想尋找你下一個機遇? 立即瀏覽jobsDB最新Building & Construction職位