地盤佬日誌:「地盤佬食啲咩?」

如果我依家問你地盤佬鐘意食啲咩?我估好多人都會估地盤佬咁man一定鐘意食男人的浪漫—豆腐火腩飯,不過查實地盤佬最愛永遠都唔係佢。地盤佬日誌-地盤佬食啲咩


地盤佬一日食幾多餐?

正常人一日係食三餐(早午晚),不過有啲地盤佬就可以一日食六餐(早7點、早10點、午餐、三點三下午茶、晚餐、宵夜)。地盤佬返工係好辛苦架,尤其是係釘板扎鐵落石屎佬,所以有時有少數好嘅分判老闆,會每朝十點同下晝三點三就會吊啲嘢食、嘢飲比啲工人(不過唔係個個老闆會咁做)。

十點餐同三點三下午茶你唔好以為食得好好,其實通常佢哋好啲就係一杯奶茶咖啡加個包、差啲就係清水加個齋包(有啲係老細請有啲係自己揞荷包買),食啲兩餐多數唔係為享受而係體力消耗太多需要補充體力(做紮鐵唔食呢兩餐真係可能會暈㗎!)

啲下午茶點樣運上去呢?多數都係同啲材料一齊用天秤吊上去,所以多數要請埋個天秤手食(如果唔係下次佢就唔幫你吊),亦都係因為呢個運輸方法所以多數啲包都要無汁無醬,如果唔係吊到上去就成Pat屎咁睇到都唔想食。

▪地盤佬日誌:地盤術語

▪地盤佬日誌:地盤佬等於身體好?

咁地盤佬最鐘意食啲咩?

根據非正式統計係蒸魚飯,好似唔少地盤佬尤其是係老一輩嗰啲都係特別鍾意食蒸魚飯。每次喺地盤附近嘅茶記最多地盤佬入去食嗰間就好多時都有蒸魚,就算佢離開個地盤比較遠都係佢最多地盤佬。點解鍾意蒸魚?

  1. 係全城茶餐廳可以叫到嘅餸裏面係最健康﹔
  2. 因為要等,快餐三個字食完就開工,淨係倫骨都去左三個字﹔
  3. 水缺很大的職業,食肉多每次上廁所次數就會多﹔
  4. 礦物質多,身體自然會因需求調節食慾﹔
  5. 老行規地盤佬唔食魚,會睇見和尚師姑或女人梳頭唔返工(聽老師傅講過,我都唔知點解)。

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析


山旮旯地盤可以食啲咩?

其實有唔少地盤位置都非常偏僻,方圓10里都冇嘢食,咁嗰啲地盤嘅地盤佬食啲咩?多數呢啲地盤都會有van仔飯車賣飯,多數啲飯都比一般茶餐廳平,味道就睇你好唔好運,不過衛生就好一般了。烏蠅曱甴係飯裏面就好常見,全隻老鼠都見過。傳說一個地盤van仔飯搵嘅錢多過一個大經理,不過你自己想搞番檔就無咩可能了,除非你係有背景人士。

多數地盤佬有工開就會食得比較豪氣,辛苦得來志在食(食得比一般白領豪),不過無咩工開就會食得簡單啲(手停口停)。

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章

延讀閱讀:

地盤佬日誌:大隻佬做地盤有着數?

港80後建築設計團隊到柬埔寨建學校 作品贏得「建築界奧斯卡」大獎

[職場故事]我為何選擇「紮鐵」這條路

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

想尋找你下一個機遇? 立即瀏覽jobsDB最新Building & Construction職位