地盤佬日誌—大白象

近年好多基建因為建造費高昂超支嚴重,使用率低及功能性未能利民都俾市民話係大白象。

開工程的理由

基建工程開始嘅理由有分由上而下同由下而上。

由下而上—由市民實際需求從而要求政府去興建某樣基建,例如一條公路成日都大塞車,市民想政府去解決,政府喺附近興建多條高速公路分流令原本條公路唔塞車,解決問題了。不過通常因爲都係已發展區,環境同土地問題都難解決,所以開展難度高。使用率多數無問題,建造費一般都好高。

由上而下—由政府高層主張的政治任務去興建某樣基建,例如假設某大總統想打做世界第一XX,佢下面啲高官就馬上喺大西北搵塊巨大的空地,倉猝設計及出投標書,施工期間發現好多必須的設施都無,設計要後加令到超支嚴重。正式開業後因為地點不佳及市民無需求令使用率不足。所以除非政府高層真係能高瞻遠矚,否則多數都大瀨嘢變成超級大白象。

▪ 基建頻出爐 測量師好「搶手」!經驗註冊測量師月薪高達八萬 成為測量師三部曲!

▪ 新興行業BIM入行門檻相對低 起薪點萬五至萬八

jobsDB category leadership 3

香港澳門都多大白象

其實世界上多數國家都無香港同澳門咁多大白象,原因有幾個,其中之一原因就係我哋政府好有錢,好多其他國家都有心無力。加上我哋批錢的議員長期係好少有豐富工程經驗的議員,令到好多工程撥款喺議會裏面都係即入即出,一啲優化都冇做到。

▪ IT狗、文妓、地盤佬……這8種職業為何飽受歧視與攻擊?

▪ 港80後建築設計團隊到柬埔寨建學校 作品贏得「建築界奧斯卡」大獎

地盤佬與大白象

其實對於我哋啲地盤佬黎講大唔大白象都係咁做,因為有時興建中嗰時人人都話係大白象,但係起到出嚟又可能好利民(西鐵當然都俾人話過係大白象)。所以我地地盤佬起咩都好,都一樣係全力以赴。

其實如果政府可以做到急市民所急想市民所想,加上做好前期設計工作就可以減少好多大白象。

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章
 

延伸閱讀:

地盤佬日誌:地盤移動

地盤佬日誌:政府工程貴在程序同文件

公司突然倒閉?員工有優先債權 4 大賠償項目你要知

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

想尋找你下一個機遇? 立即瀏覽jobsDB最新Building & Construction職位