地盤佬日誌:大隻佬做地盤有着數?

好多唔係做地盤嘅人覺得做地盤越大隻越好,但係喺實際情況來講好少可會見到真係好大隻嘅人嚟做地盤,如果真係大隻到健美先生咁嘅級數多數做地盤都做唔嚟,點解?

 地盤佬日誌-大隻佬做地盤有着數

環境狹窄

雖然正常地盤都係好大,但係因為物料儲存同臨時支撐同等嘅理由,好多時通道同工作位置都好狹窄,有啲地方肥少少嘅身形都入唔到。加上地盤好多臨時通道都係臨時搭建例如竹梯木梯等,一個正常70 kg嘅地盤佬行過都安全嘅,但係如果一個100 kg嘅地盤佬行過,危險度就增加唔少啦。

▪下載ios版本jobsDB手機app 或 下載Android版jobsDB手機app

散熱問題

其實喺地盤裏面你好難會見到大肥佬同大隻佬,其中一個理由就係散熱問題,一個人太肥或者太多肌肉都會影響你身體散熱,你諗下喺夏天三十幾度(地盤體感溫度係四五十度),一個大肥佬一路樓面做嘢一路曬十個小時,唔中暑我話你叻﹗

▪地盤佬日誌:夏天,為地盤佬帶來汗水

體力消耗

雖然大隻佬身上嘅肌肉都係千錘百煉苦練出嚟,但係其實你嘅肌肉越大你每個動作消耗體力亦都越大。如果同樣同一樣嘢例如砌磚,一隻大隻手臂重17.5kg加2.5kg磗假設要用20kg嘅力去砌一件磚,但係如果係鋼條身形手臂重7.5kg加2.5kg磗假設要用10kg嘅力去砌一件磚,基本上每做一個動作消耗體力都大好多。地盤工作正常最少都十個八個鐘,體力消耗差距真係會影響工作效率。

▪地盤佬日誌:地盤佬等於身體好?

地盤王道身形

做地盤最差嘅身形係肥佬(真係會辛苦到死,不過減肥一流)。太瘦削或太大隻都唔太好,太瘦根本唔夠力做,太大隻體力消耗大。做地盤最好最王道嘅身形就係鋼條身形(最完美係好似李小龍咁),既有足夠嘅力量,靈活度無問題,亦無體重過重問題。點樣先訓練到鋼條身形呢?其實係地盤勤勤力力咁做嘢,做幾年之後你就會得到鋼條身形。

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析

 

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章

延讀閱讀:

地盤佬日誌:地盤臥虎藏龍

地盤佬日誌:地盤佬溝唔到女?

[職場故事]我為何選擇「紮鐵」這條路

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

想尋找你下一個機遇? 立即瀏覽jobsDB最新Building & Construction職位