我見香港近來都有啲言論話建築業人手不足要引入外勞補充人手，我係澳門多年主要對住外勞師傅做嘢嘅經驗同大家分享下。
外勞對建築業嘅影響主要有以下幾點：
價格影響：外勞幫嘅加入最直接嘅影響會降低建築業嘅勞動成本，外勞通常比當地勞工更便宜，因此佢哋嘅加入可以降低建築業的勞動成本。這對於建築公司來講係一個有利嘅因素。因此可以提高公司的競爭力，降低建築物嘅價格。老細賺多咗，樓價同物價都可能會平啲啲。
外勞的加入有可能會影響建築業嘅品質，但這取決於多種因素。如果外勞無得到適當的培訓和管理，或者如果他們的工作條件不符合基本的安全和健康標準，那麼佢哋嘅工作質量可能會受到影響。但係澳門嘅經歷係外勞做出嚟嘅嘢得來真係比較參差，其中有幾個理由第一有好多師傅未黎澳門做之前根本都唔係做建築業，但係見工嗰陣時都話自己係大師傅，最後做到成Pat屎咁。第二多數人喺自己屋企或者家鄉做嘢都要比較有責任心，就算真係偷工減料都唔會偷到危險，但係出去做嘢就唔會有呢個心態。第三就算嗰個師傅本身係大師傅，都會因為唔同嘅地區有唔同嘅做嘢手法同工具令到佢哋嘅手工又打折扣。
就業機會影響：外勞嘅加入可能會影響本地居民嘅就業機會，例如澳門近年建築業因為有大量外勞加入令到工人長期低落，例如紥鐵佬平均日薪都係得＄793/日（2022年9月資料），好老實講呢個人工連外賣仔都打唔贏，入地盤咁辛苦嘅工作來講咁樣嘅人工邊度會有人入行，我喺澳門真係一個後生仔都未見過佢係喺地盤裏面落手落腳做嘅。香港而家號稱有六十萬嘅註冊建築工人，如果因為引入外勞令到有一半人失業另一半要減人工，呢度幾十萬人嘅生計究竟香港仲有冇其他行業可以吸納到呢？
因此可能引起好大嘅社會矛盾。
總括來講，外勞對建築業的影響是多面向，需要考慮到多方面的因素。不過我個人嚟講覺得社會穩定大於一切，所以我認為建築業輸入外勞係弊大於利。
此文章由原作者及JobsDB HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及JobsDB保留採取法律行動的權利。
