地盤佬日誌──社會地位

雖然地盤佬近年的社會地位已經有小小提升,不過老實講地盤佬嘅社會地位真係一啲都唔高。(就算係工程師,喺專業人士裏面嘅社會地位都唔高)

成日話工種會俾AI取代,其實另一面佢都幫緊大家製造就業機會,減少人同工錯配機率﹗呢件事係點發生?去片解畫啦﹗

社會地位的用處

雖然我哋嘅社會係金錢至上,但係都有啲嘢係金錢解決唔到嘅,例如其實一個叻嘅紮鐵佬搵嘅錢可能比一個普通文員高好多,但係10個阿爸阿媽裏面有9個都寧願個囡嫁畀個文員。啲白鴿眼阿媽見親啲勞動階層嘅工作人員就會同阿仔講你要讀好啲書,如果唔係第時就好似佢咁;見到啲醫生律師就話你要努力讀書要學哥哥咁。就算係有錢佬都係重視社會地位多過錢。

▪ 基建頻出爐 測量師好「搶手」!經驗註冊測量師月薪高達八萬 成為測量師三部曲!

▪ IT狗、文妓、地盤佬……這8種職業為何飽受歧視與攻擊?

提升社會地位

其實一個行業嘅社會地位係一點一滴慢慢累積,昨日嘅因今日嘅果,今日人哋點睇你嘅行業,好主要係因為你同你嘅前人之前做過嘅嘢畀人哋嘅印象。

其實我哋嘅地盤佬都可以向日本嘅工匠學習一下。

首先佢哋唔理做嘢係幾污糟嘅,行出嚟都係企企理理乾乾淨淨。雖然而家香港好多地盤佬放工都會沖涼換衫,但係就算10個裏面有一個唔換衫臭崩崩咁行入地鐵,啲人就會覺得我哋地盤佬就係污糟就係臭(雖然好多時都係因為環境問題而冇得換衫)。始終人靠衣裝佛靠金裝。

▪ 時勢造好工:近10年有哪些新職位冒起?你能緊貼行業發展趨勢嗎?

▪ 新興行業BIM入行門檻相對低 起薪點萬五至萬八

另一樣要學嘅係匠人精神,日本嘅工匠畀人嘅感覺就係精細固執鍥而不捨。但係好可惜嘅,地盤佬俾人嘅感覺係老粗那西,其實好多師傅本身技術都好好,但係因為畀啲管理層去迫趕工,搞到為咗快令到個質素做得唔係咁好,之後就畀人覺得係偷工減料。雖然我都知道如果做得慢可能聽日個老細就唔搵你再嚟做,但係我都希望各位大師傅縰使時間上唔許可做到90分,最少要堅守着60分嘅底線,老細點迫都唔好就範。如果一個人堅持可能會畀人炒,但係全行都咁做就可以令行業專業形象提升。

再者因為好多時地盤佬句句都加個粗口落去,令到好多時粗口嘅字數仲多過內容,雖然我哋嘅地盤從來都係充滿着粗口,但係希望你哋出到地盤外面嘅社會就盡量減少粗口啦,講嘢斯文啲,對形象提升係一定有好大作用㗎。

如果行業中人人都可以做好自己,雖然未必即刻有成效,但係假以時日終有一日地盤佬會畀人專業匠人的印象。

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章
 

延伸閱讀:

地盤佬日誌—大白象

地盤佬日誌:地盤移動

【社工10 Years Challenge】熱血代替業績 十年如一日,為α世代做生涯規劃

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

The most-talked about topics 

Scroll to Top