地盤佬日誌—被淘汰的技術

FacebookWhatsAppTelegramEmailCopy Link

喺而家呢個資訊爆炸年代,好多行業嘅科技嘢都快速增長,好多時過幾年就一個唔同世代。但係因為建築嘅基本結構框架無變,所以其實好多技術都根本幾十年冇變過,但係當然亦都有啲嘢係變咗啦,又等我簡單講吓啦。

被科技淘汰

水管平水—係以前激光水平儀未普及之前,開墨線係開咗一點基準墨線之後,多數人打平水墨線都係攞住條長透明軟膠喉水管,利用水管兩邊嘅高度一致嘅原理,將全屋嘅平水畫出嚟。老實講,畫出嚟嘅平水線唔會比而家用激光平水儀差。不過因為始終都係比較麻煩,加上激光平水儀依家好平,所以近年已經冇見人再用過啦。

▪ 地盤佬日誌—地盤衛生條件

▪ 地盤佬日誌—價錢、工期、質素成正比?

被安全要求淘汰

用木梯行路—以前細過我屋企裝修都係我老竇自己做,見佢做天花嗰陣時,基本上都係企喺條木梯上面冇落過嚟,就用條木梯開開合合行路移動。其實咁樣做都幾得意嘅,好似踩高蹺咁。宜家大個咗入咗地盤做,就一次都冇見過人用。因為本身木梯如果中間有條繩先至可以咁樣開開合合行,但係而家地盤所有梯都一定要有梯交,根本就做唔到呢個動作。另外,好多地盤都已經禁止左木梯呢樣嘢。我諗啲私人裝修都仲有啲人會咁樣用,但係大地盤就基本上絕跡㗎啦。

其實我自己嘅夢想就係提早退休,不過我都驚晨早退咗休之後,十零年突然間「瀨嘢」之後要出山,但係到時會同時代脫節,就真係臨老都唔過得世啦。

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章
 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及JobsDB保留採取法律行動的權利。

 

熱門文章
在街市上班,難免令人感覺有點土氣,中佬、師奶可能不介意,對於年輕一代,肯定不是首選。不過時移世易,隨着新潮街市興起,街市形象起了變化,更產生了一些新工種,街市DJ便是其一。從此,街市上班不一定是豬肉榮、賣魚勝,也可以是朝氣勃勃的後生仔! 新...
每個行業都有佢嘅術語,地盤當然唔例外啦!今日就等地盤佬為大家介紹咁有特色嘅地盤字。 寫出嚟嘅地盤字 如果要問地盤字嘅精要係咩,我會答你係「簡」。即係好似簡體字咁,將所有嘢都盡量簡化。例如除咗正式報告之外,冇人會寫混凝土,一係就寫「石屎」,一...

十大熱門搜尋

Scroll to Top

Processing, please wait…