失敗主義者:日日吹奏職場怨曲 唱衰公司同事不遺餘力

失敗主義者-日日吹奏職場怨曲-唱衰公司同事不遺餘力

失敗經驗,人皆有之。被冠以「失敗主義」標籤的人,並非「肥佬」一次半次,而是認定未來所做的一切,都係失敗收場,要做啲嘢去挽救,只屬嘥氣,唔做好過做,故此放棄行動,安於現狀。職場上,有如此想法的「失敗主義者」比比皆是,他們不相信「失敗乃成功之母」。

失敗主義者=睇小自己

1.重度失敗主義者,根本不會踏足職場這個殘酷森林,在他們想像中,老闆上司是笑面虎獅子王食人鱷,同事係披著羊皮的狼,他們未戰已先投降。真人真事,有本地名牌大學工商管理系女生,怕了未來工作間的錯綜複雜人事問題,畢業後不打算求職,以免做被宰割的羔羊!

2.另一些失敗主義者,卻是未敢面試。他們雖然踏出了寄/電郵/WhatsApp這一步,並好彩獲得面試機會,卻自覺個人條件平平無奇,HR會不屑一顧,市場上比自己優勝的大有人在,面試只係浪費精力和時間。或者是試過interview的滋味,俾人會審,太可怕了,從此拒絕再玩。

▪ 黑心商店:職場毒舌風暴

3.有些人是入職後才變身為失敗主義者。他們順利通過面試,得到職位。做了一段日子,眼見同期生有得升職加薪,甚至遲來先上岸,自己就原地踏步。開會被無視,出聲被打沉,真係做打工仔都失敗過人。

4.終極失敗主義者,是在職場打滾過後,與同事格格不入,見盡工作間悲歡離合,向來逆來順受,到有日被公司裁員,或機構倒閉,也就決意餘生不再搵工,一於食父母(冇結婚的話),成為啃老族,不惜失敗下去。日本較多這些案例。

▪ 【職場fresh grad】返工第一星期 時間線大拆解 8大步驟融入職場

5.反敗為勝,是咁的:

#尋找真愛。唔想長期置身失敗國度,可以點?前文提及的大學生,畢業後沒有寄過一封求職信,家人亦任她自主命運。結果女生follow her heart,棄商從醫──修讀中醫課程,做中醫,咪較大機會避開辦公室政治囉。其實,每個人都天生我才,再失敗,去做運動,日子有功,身體fit咗精神好咗;做義工,發現社會某角落總有人需要你,漸漸便會找到不敗的路。

#屢敗屢戰。靚佬湯科幻舊作《異空戰士》(Edge of Tomorrow)故事講主角對敵陣亡後,時光倒流未死時,調整策略,又陣亡,重返過去,換過方法……試完又試,終於找對戰略,擊退敵人,啟發大家,唔試過,又點知唔得呢。以面試為例,衰咗,最緊要自我檢討不足之處;下次針對弱點改過,辦法總比困難多,失敗即使不是成功之母,亦係成功嗰friend,如是者,始終會得嘅。在A公司失意,不代表在B組織唔掂,千祈唔好睇小自己。

▪ 白紙難搵工?欠職場經驗值 六大貼士助你寫CV取得見工機會

▪ 置地記者:《職場滅火筒》

失敗主義者=唱衰他人/公司

6.講到失敗主義,固然是指個人而言,它是住在內心嘅魔鬼,催眠主人不好好面對問題,而是做逃兵。但很多時,你戰勝心魔,誓不低頭,但慎防身邊的職場怨曲大師……

7.他並非睇小自己的失敗主義者,而係唱衰人家或公司嘅必敗主義者。其人對上司/團隊/企業規則諸多不滿,日唱夜彈。就算係一些德政,都係抱懷疑態度或陰謀論。連茶水間有免費小食,都嫌唔夠多花臣。

8.反敗為勝,是咁的:

#避之則吉。內心夠強大,有獨立思想,自然睇得出德政孰真孰假,不會受這些「失敗主義者」影響。既然其人咁多怨言,點解唔轉工?充滿負能量嘅人,不宜硬碰,避得就避。

 

延伸閱讀:

職場海鮮價—給HR的採購指南 新海鮮與老海鮮人工有升冇跌

家用有冇「公價」﹖調查話每月平均$6,000!逐項計吓點樣先叫合理

黑心商店:職場毒舌風暴

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案