奴性上司唔肯教但又要人加班

我阿姐係超級工作狂

Gladys找到一份跟單文職工作,但只入職了兩個月就辭職了。

「我阿姐係超級工作狂,晚晚做到10點先走,佢自己亦好proud of自己咁多年為公司仆心仆命。但我返咗唔夠一個星期,佢就開始話我學嘢慢,暗示我應該跟佢加班,連星期六都要返!」Gladys氣結地說。

香港地今時今日,哪有工作不用加班?況且很多人都說,年青人工作要「抵得諗」,做得多學得多。

「問題係我完全學唔到嘢!佢俾啲最簡單嘅quote我計,我10分鐘計完俾佢,佢又忙到冇時間教我計啲難嘅quote,結果只係不斷叫我影印、做filing。我有向佢反映呢個問題,希望佢可以多啲教我,等我幫輕佢工作,但佢竟然話:『你日日一到6點就閃人,對工作一啲責任感都冇,咁樣點會學得到嘢架!』」

「如果有緊要事情,我會自動波加班,但我唔認同佢單憑工作時間去判斷一個人嘅工作能力。佢鍾意用OT去表現自己勤力係佢嘅事,但我覺得自己OT都要O得有價值。」Gladys說得理直氣壯。

加班完成工作,其實是責任心的表現,但惡性加班卻無助於工作效率;而工作缺乏挑戰性和學習空間,員工更會感到付出的時間與回報不成正比。面對此種情況,打工仔可以嘗試:

反客為主:向上司表達自己有心做好工作,但需要平衡的休息時間以保持工作效率,並向其詢問對自己的期望是怎樣,希望對方可以提供一些建議。在這情況下,上司一般都會表示願意尊重下屬的私人時間。

主動嘗試:如果上司本身工作太忙,可能會覺得自己親手完成比花時間教導新人還要快。新人可以提出先由自己獨力嘗試,在過程中儘量利用現有的資源,自己找尋答案,到最後真的不明白的問題才發問。這樣可建立上司對自己的信心,明白要教懂你也不是太麻煩的事。

留定後路:若仍然與上司溝通失敗,打工仔可嘗試保存自己曾盡力嘗試過的證據(如電郵記錄),以至日後離職或被解僱時,可拿出記錄證明自己一直要求得到適當培訓,但不被上司理會,以免於找新工作時被舊公司給予壞評價。

 

此文章由jobsDB HK撰寫/編輯。如欲刊登於其他網站或刊物,請電郵至Editor@jobsDB.com與我們聯絡。如有發現侵犯版權,jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案