如何神不知鬼不覺在office炒股

office炒股

最近港股大升,恆指屢創新高,單是上周便暴升近2000點,由隔離位同事以至茶水姐姐都開始興高采烈「講股」。

有財經評論員話隨著內地逐步開放資金買港股,令港股再次進入一個「大時代」,上星期的升勢可能只是一個開始。你可能已經開始心思思想「炒股」,但office限制多,打工仔又要返工又想炒股,就要參考以下4個貼士,學習如何不動聲色,神不知鬼不覺地在office炒股,好好把握這個「大時代」︰

 

1. 善用手提電話

在office的桌面電腦開圖表未免太張揚,不少公司更會限制了員工不能瀏覽某些網站,又或者你根本不想在公司電腦留下你炒股的蛛絲馬跡。其實現時不少財經網站都有流動應用程式或網頁,用手提電話開就低調又安全得多。

 

2. 設定價位通知

除非你份工本身好悠閒,否則又要工作又要緊貼市況,一點都不容易。不能時時「mon住」股市,就要好好善用價位提示功能,一邊做一邊炒股就得心應手得多。

 

3. 開市期間少開會

如果你不怕OT,開會就盡量約在4點後,你懂的。

 

4. 危急情況靠「衝廁」

買又好沽又好,都要睇準時機。如果好時機遇著開會,情況危急要迅速行動的話就唯有「衝廁」喇!當然前提是你要預設好用手提電話操作買賣的功能。

 

謹記投資涉及風險,價格可升可跌,投資最緊要謹慎而行,量力而為。而且打工仔最緊要都係做好份工先,千祈唔好分心影響工作呀!至於人工唔夠使的話,除非你立志成為下一個巴菲特,否則都可能要諗諗點同老細傾高啲人工喇!(推薦閱讀︰傾人工的策略)