宴會音響師播歌遇lag機、客人衝上台搶咪,最考現場應變能力

宴會音響師播歌遇lag機、客人衝上台搶咪,最考現場應變能力音響設施,印象中總是好複雜,又要駁線、又要控制那一大台閃着光的東西,令人總是想看不到。於是宴會中,你會記得主持、侍應、經理,至於音響師……大概只有音樂忽然中斷的那一下,才會有人疑惑地看去。

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析


誤打誤撞讀音響:「又有live又有music」

阿Gut在酒店任職音響師已4、5年,負責過的宴會包括婚禮、謝師宴、公司周年晚會、商會典禮等,對於當一個小螺絲他不太在意,只管笑意盈盈地談「搞靚啲聲」,說到應變解難就興奮。然而最初,原來學習、成為一個音響師、,只源於一場意外——喜歡夾band的他報IVE時聽說有科「live music」,卻誤被音響燈光課程的老師拉去報名:「(佢話)呢到又有live又有music喎!」

結果誤打誤撞進了這科,阿Gut說也許因正值新舊學制交替,當時課程未完善,上的課全屬理論,「好悶,唔知返學做咩。」直到實習時去了一個表演會堂——「會見到有d小朋友來參加畢業典禮,好得意;又會發現有些歌手原來是咪嘴。原來實際去做一場show係幾好玩。」畢業後剛好常去做「炒散」(臨時工)的酒店有空缺,就此入了行。

靚聲的定義,阿Gut說最簡單而言是聽起來舒不舒服,而要將一把太沉或太尖的聲快速調較至舒服入耳,就考音響師的功力和應變。

變數太多:器材忽無聲、rundown調轉

「初時好驚㗎,手忙腳亂,音響、燈光、播片都係我負責,要好快速咁關燈、播歌、調校音量。」更難的是,活動總有太多變數。「個婚禮本身夾咗先播成長片段,再請新人進場、播歌,主持可能新手,好緊張,一上台就話:『我地請新人進場!』我本身好淡定咁坐喺到諗住佢要講一輪嘢,已預先準備好段片,一撳就係啦,點知佢話進場。」他說時仍像要冒出一身冷汗,「好彩有兩手準備,我即刻撳返首歌出嚟,但行內有個標準係主持一講完嗰樣嘢2秒內就要播到,搵完都已經遲咗幾秒。」

「上頭唔會當刻鬧你,成個活動完左,佢先會搵你,於是你成場就喺到驚。」他苦笑着搖搖頭。不過這些事,上頭也明白他已盡力。後來,他發現氣氛總有得救,有些事卻難以避免——器材會折舊:「有時條線唔知點解忽然無聲,拔咗再插又有。」又有次同事按了音樂,電腦卻在loading,全世界馬上看向那人,「電腦就係你愈撳就愈慢,唔可以再撳,冇野做到,只可以等。」阿Gut說。「好彩主持人識得兜,話:『音樂未到,不如一齊用掌聲歡迎新人啦!』」

電腦慢無法控制,但聲音播出來舒不舒服,還可以調校,「要喺有限資源內,盡量搞好啲聲。我仲有團火喺到嘛!」他的眼彷彿真有火花在迸發:「有啲人講嘢磁性,個咪就會低頻太重,低沉到好似共鳴聲,聽落唔舒服,要校返低低音嘅音量,但唔可以不斷校嚟校去,如果唔係把聲會好怪,要逐啲撳細佢;宴會講嘢好難綵排,有人想講嘢就畀個咪佢,可能上個好大聲,下個好細聲,都要即刻調校。」

忙於音樂、燈光、影片之餘,他有空便會走下一層,「打開道門聽下啲聲正唔正常,要企係客人嘅角度感受件事。」他說這也是音響師的本份。除此以外,他還習慣儲起不同的音樂,適用時播放,「每個環節我都有10幾20隻歌,有時啲客冇帶歌,咪畀佢地聽,總有一隻啱。」

或者因為籌備婚禮忙碌,阿Gut說有時客人只是見歌名像喜慶歌就拿來,如《囍帖街》,此時音響師就需要和搞手溝通。

▪【新出路】講夢想一樣有飯開 香港第一個自學Hyperlapse的攝影師

▪【周末兼職達人】係咩驅使佢星期六日都兼職?炒散Event Helper做足十幾年

客人變熟人 同事同班客去旅行?

除了技術,做音響師也要懂得看氣氛。「有次新娘個阿哥飲醉酒,忽然衝上台唱《分手總要在雨天》,我攤晒手望向個經理,佢又攤晒手。見啲客人仲聽到好開心,反而如果你熄咗佢個咪,件事就會變到好嚴肅。」

這些驚險事不時發生,心血少些大概也不行。這行更常要日做10、11個鐘,阿Gut說有時接到國際會議更要凌晨4點30分就開工,平日也少不了「搬抬托」,而且公司人少,假期難遷就。但他說也還是會繼續做這工作,「人工一定有關係,另外係啲嘢日日都唔同,有新挑戰我就會好興奮。」他說到這不禁笑了,續說:「見到個宴會順利,客人開開心心,都好開心。」

宴會上的人不一定聽得出他那「2秒定律」,也會有少數客人態度較差,但一般活動完結時,總有搞手來說多謝,「有啲一嚟到就話係你我就放心,最開心係呢啲。」阿Gut笑得爛漫。「仲有有人認同你做嘅野、搞掂一樣嘢,或者有嘢出錯我可以成功補救個種成功感。」因為酒店會接一些公司的周年晚宴,有些客也變成了熟人,「我甚至聽過有同事同啲客去旅行!」

一份工作,能夠不沉悶、找到認同你的人、遇到關係好的客,也算是不枉。

入行薪金:臨時工(俗稱炒散)日薪約800元;全職起薪點約12000至13000元

入行途徑:開始時不需懂得音響,可從臨時工做起,佈置完場地有空閒便可觀摩,阿Gut說見過很多音響師也願意教人。累積經驗和贏得口碑後,便有機會成為長工。

 

延讀閱讀:

私家偵探:做偵探沒有最低學歷要求,卻要具備法律知識?

車房、麵包、髮廊學徒是讀書失意人?入行月薪4位數字卻仍堅持的原因……

【自由有價】周未freelancer你估易做㗎?看似自由 實際工時長

此文章由jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案