小心四大陰險抽水隊友 (不是靚抽)

小心四大陰險抽水隊友早些時候講過「Free rider」,成日妄想不勞而獲,而有些討厭同事則愛抽水,無分國籍、無分男女、無聲無色……只要有人嘅地方,總會有無良同事做錯事後賴得就賴、推卸責任,或搵人祭旗。面對不同類型嘅抽水哥、抽水姐,唔想俾佢哋逍遙法外,點樣力保不失?

領功領勞型:預早同老闆備案

若然抽水友擅長趁機領功領勞,喺佢哋出手前,你要比佢快人一步,經常向老闆表現自己嘅專長同貢獻,例如在開會時或發電郵俾上司時不妨多點提及自己正在處理的事項,無論大小事均備案,等佢冇機會靠佔人便宜搏上位。

踩住上位型:適時回禮

呢類無恥之徒經常喺上司面前反駁其他人嘅建議,平日冇咩建樹,但對人哋嘅構思會出力惡意批評,成個專家口吻。要阻截呢類卑鄙族類乘虛而入,每次同上司表達構想前要諗定幾個方案。亦可趁抽水友發表偉論時給力回禮,牢記佢講嘅每個重點,反駁時要對事不對人,並搵具體實例逐點擊破。

幸災樂禍型:全情負責到底

當你俾上司指責、俾客戶投訴時,佢哋展現一副隔岸觀火嘅幸災落禍格,仲同上司講:「不如個客俾我跟﹗」或「等我幫佢執手尾﹗」,以打救世人嘅姿態出場。想避免呢類情況發生,要主動了解上司對每項工作嘅指引同意見,就算衰咗都要表現出負責到底嘅精神,免得抽水友打你主意。

搏同情型:要劃清界線

唔係所有抽水分子都裝出強者姿態,另有一群族類會扮忙扮慘搏你同情,希望你幫佢分擔一啲任務,做得好當然佢唔會出聲,一但出咗事又話你差隻腳埋嚟搞衰咗。如你身邊有呢類變臉小人,要同佢保持君子之交,佢講到幾慘你都扮懵接收唔到,等佢冇法子點你做嘢。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案