日日上演塞車、湊老細、開OT,打工仔:「每隔兩秒我都想轉工﹗」

〔每隔兩秒我都想轉工〕嫌打工仔唔夠卑微,港奴誕生成新族群

日本有社畜,香港有港奴,兩個名詞意思一樣,都是指為工作折腰無底線的打工仔們,成為沒有思想的動物或奴隸。聽落,真係好慘。到底由工薪階層跌落奴隸底層需要怎樣的轉折?當塞車、腦細、豬隊友、開OT成了工作的日常,將打工仔僅存的喘氣空間壓縮成負數,我們每隔兩秒腦中都會閃過辭職、轉工的念頭。

根據2017年jobsDB的《工作快樂程度調查》顯示,有高達四分之一的香港打工仔對現職工作感失望,認為辭職轉工是未來半年可令自己較快樂的唯一辦法。

腦細勁harsh 做半年就轉工跳槽

問打工仔返工最難忍是甚麼?除了人工未如理想,最難捱莫過於人事。從事市場推廣的Karen說:「兩年前離開工作多年崗位投身另一個大品牌做經理級職位,人工加咗一半,但係老細勁刻薄,半夜十二點都要同我go through啲report,做咗半年發現身體好唔舒服,check到子宮生肌瘤,請咗假做手術,手術一做完清醒check電話,發現老細打咗十幾個電話畀我,打返畀佢仲鬧我話我點解唔接電話,我答佢我做緊手術,佢竟然話『你有病唔係大晒㗎﹗個project緊要過你條命呀』,就係呢句令我決定立即辭職,放完病假後我就遞咗信。」

公司新人亂入 豬隊友甩漏停不了

做IT的Franky表示:「曾經做過有間港資公司,老細好度縮,請勁多新人,然後叫我負責教佢哋做嘢,咁就緊係多甩漏啦﹗冇個有工作經驗,又冇個做得長,成日甩甩漏漏就搵我去善後。」近年各大公司多了中級管理層,經常要伺候老細又要湊新人,也是最受氣一層,與豬隊友交手經驗自然豐富,像任職Event管理的Macy就呻:「豬隊友跟常跟甩嘢,又唔覆客人,作為佢個teammate真係好無奈,成日要代覆email,最慘係要追佢攞嘢,追極都係聽日先有﹗一張簡單嘅budget表都可以錯漏百出,整powerpoint用白底唔係公司template,好小事都要人哋執佢﹗」

▪ IT行業有甚麼熱門職位?立即看看﹗

 香港IT人:下一份IT工是天堂,還是地獄?

塞車/壞車鑊鑊新鮮鑊鑊甘

早前由十號風球山竹引發的返工災難夠經典了吧﹗基本上香港打工仔族群每天早上都有超過半數人口要過海工作,壯觀有如動物大遷徒,令人心酸的是就算沒有山竹,打工仔天天都要面對塞車問題,在觀塘區返工的Julian訴說:「家住新界西,返九點鐘,日日返觀塘係龍翔道塞廿分鐘至四十分鐘不等,令人崩潰﹗」港鐵出事可能是偶然事件,但塞車日日上演,有幾受罪?屯門打工仔Peter就話:「返過九龍灣、天后、數碼港,塞車係日日都會發生,都有例外,例如年三十呢啲熱門放大假日子。」

▪ 搵定遠離塞車黑點的返工地段,為轉工鋪路﹗

開OT成為一種常態

你知道最慘是甚麼?就是以上四種事件日日上演,漸漸我們都變得像機器一樣,對着特定的程式去respond,就像奴才聽主人指令一樣。據《香港工時狀況統計調查報告》訪問三十五萬名香港打工仔所得資料顯示,每周平均工時為四十四小時,約有8.9%人超時工作達五十六小時以上,十分誇張。

延讀閱讀:

14句不可對老細說的話(及老細的神邏輯)

乞客:餐飲同事射波遲到之神奇理由

置地記者:打工仔有一種命,叫辛苦命

 此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案