把握好底綫,同事也可變密友

把握好底綫,同事也可變密友

A小姐曾經同一名公司女同事friend到「糖豆」,兩人甚至結伴去旅行。A小姐完全相信呢位朋友,當正佢係閨密,咩都同佢講,無話不談。直至有一日,佢從其他同事口中得知,原來呢位「朋友」一直都將自己的秘密周圍「唱」,先知道原來做咗咁耐傻仔。

「想與同事做朋友,除非你已經離職」呢句話係真唔係?睇你點玩啦!識玩一定係咁玩:

一、唔講秘密

平時與同事食飯、唱K、happy hour,你可以傾談的話題有好多,包括明星娛樂、興趣愛好、甚至飲飲食食等,但一定記住,秘密、同事是非和老闆壞話係千萬不能講。

二、唔同一齊爭上位的同事做朋友

再好的朋友,在利益面前都有可能會出賣有情。與其被人出賣,不如保持距離,盡量保持君子之爭。

三、一視同仁

可能你真係同某位同事特別投契,但都唔好冷落其他同事,至少唔好將你同某位同事狂歡的細節向其他同事炫耀,或者把相片擺上社交網絡都有可能招人話柄。

四、防人之心不可無

如果發現有同事專門接近你係為咗「攞著數」或「索料」,想氹你做埋佢份工,咁就要果斷「斬纜」。當然,唔係話要同佢「炒大鍋」,而係不動聲色慢慢疏遠。

五、「絕交」唔好寫係塊面度

如果真係發現同時埋你身係「攞著數」,又或者咁好彩遇到A小姐同時一樣的是非精,就一定要儘快遠離,不過「面和心不和」係常識來。

其實一個星期有成四十多個小時要與同事相處,一個唔好彩遇上一份日日OT幾小時嘅工,對住同事的時間分分鐘多過對住屋企人,所以與同事相處融洽是愉快工作最基本的條件,如果呢樣都做唔到,就真係要考慮間公司是否合適。不過關係融洽就不代表要事事對人言,最緊要係把握好底綫。

 

每日新工新機遇,千祈唔好錯過!立即訂閲好工提示電郵