面試見工想改時間至放工後?HR 揭祕:5大搵工interview常見問題

FacebookWhatsAppTelegramEmailCopy Link

上次講咗招聘廣告「HR 揭祕!搵工遇著同一招聘廣告登完又登、冇公司名係咩原因?」同Send CV嘅常見問題「搵唔同工作要整不同版本?HR 解答6大CV及Cover Letter常見疑難」,今日就去到搵工第三步︰「Interview 前奏 」!

1. 如果我收到電話話有Interview,但平日又行唔開,可唔可以建議放工時間後面試?

R.D. (國際獵頭公司Recruiter): 要視乎僱主時間可唔可以,有啲公司可以彈性安排。

C 小姐 (香港大型企業HR): (我)公司唔中意。

2. 如果真係要 working hour 去,咁應該點樣同自己公司請假?

SW (香企業面試官): 可以向公司請事假。

A sir (資深IT Recruiter): 攞annual事假就最簡單。如果想詐病…風險請自己衡量。

▪ 見工後檢討,較面試前準備更重要!你有冇中呢6大扣分位?

▪ 2021年招聘新趨勢!態度、個性較First Hon畢業重要 求職面試如何加分?

3. 可唔可以分享 3樣您認為最需要預備嘅Interview 問答?

C 小姐 (香港大型企業HR): 點解轉工、對公司嘅認識、下份工嘅目標。

Miss M (金融機構HR): 自我介紹?點解你想轉工?你嘅工作經驗可以點樣幫到公司?亦可以分享難忘或者深刻嘅工作經驗。

R 姐姐 (公營機構HR): 第一,自我介紹。準備一個準確嘅自我介紹,唔好太長唔好太短,用短短幾句說話可以形容到自己就最Perfect。第二,想報呢份工嘅原因。呢個都一定係必問,所以一定要好好準備。第三,上一份工辭職嘅原因/CV空白期做咗嘅嘢。面試官都想透過你一啲過去嘅經歷評估下你係唔係適當嘅人選。

4. 去Interview 嘅時候應該帶咩去?同埋著咩衫?

SW (香港企業面試官): 要Print 定CV 同埋 Portfolio;如果從事設計相關嘅工作,可以帶部 iPad 展示個人作品,show 返圖片、影片等等。如果職位唔係 Business Position,衣著斯文得體即可,唔需要過於Formal。

R.D. (國際獵頭公司Recruiter): 面試除咗要帶備相關學歷證明之外,如果某類工作需要portfolio都可以一同帶備。

Miss M (金融機構HR): 最好帶齊學歷證書、著正裝,仲有準備好廣東話,普通話及英文作答。

▪ 畢業後搵工難題!大公司vs細公司點揀好?第一份工有幾重要?

▪ 【Fresh Grad搵工出路】月入可達8萬!5大工種前景佳 冇經驗點入行?

5. 如果我有證書或者其他文件,需唔需要自行影印一份?

A sir (資深IT Recruiter):  通常HR會代為 scan文件,但自行影印定一份都無壞。

R 姐姐 (公營機構HR): 當然要啦。唔好預去到面試場地人哋會提供影印服務俾你!以前都見過好幾個例子,冇影印證書,去到面試場地亦冇提供影印服務。就算最後可以候補文件,印象分都大打折扣。

今日傾住咁多先!下次繼續探討搵工策略!

 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及JobsDB保留採取法律行動的權利。

 

想收到更多JobsDB最新職場資訊?

熱門文章
上回提要︰收到公司安排Interview 電話嘅常見問題,今回又講下另一種好易收到嘅電話︰Head hunt獵頭公司! 1. 我收到獵頭公司電話,話係 JobsDB 搵到我份CV,究竟係點樣搵到? A sir (資深IT...
為了解各行各業打工仔現時的就業狀況及事業展望,JobsDB於2021年三月委託獨立調查機構,向本港4,288名打工仔進行網上問卷調查。根據最新發佈的《2021年薪酬調查報告》顯示,今年香港打工仔的薪酬調整狀況仍然受疫情影響,只有約三分一受訪的打工仔表示今年獲得加薪,而平均人工加幅僅0.4%,是2008年以來同一調查的歷史新低。一起看看有哪些行業的人工加幅能於疫流向上,而有興趣轉工或入行的打工仔不妨考慮看看。 1. 數碼市場推廣/電子商務/社交媒體行銷(Digital marketing, E-commerce & Social Media)3.8% 在甚麼都講求數碼的時代,有行業或打工仔擔心自己的工作被AI取代的同時,亦令協助處理數碼化的工作更加蓬勃,電子營銷、電子商貿同社交媒體管理就是一個很好的例子。當各行各業受疫情影響,這一行業依然能夠疫市加薪,而加幅更跑贏大市。如有興趣入行,不妨積極考慮修讀相關課程,早着先機! 實用課程:數碼與社交媒體市場推廣專業證書...
早前有網民於討論區發文大呻公司的各項奇怪規矩,引發熱烈討論,當中有不少確是令人「O嘴」!公司規矩往往能反映出一間公司的文化,即相等於一個人的性格及態度,影響着員工的行為及表現。公司文化好比磁石,吸引一些氣場相同的員工。即將踏入揀offer季節,為了大家的職涯幸福,小編決定率先與大家熱一熱身,就網民的cases分析不同的公司文化,希望有助大家日後找到適合自己的公司~ 奇怪規矩一:嚴禁說話 網民A:「我間公司唔同部門係唔可以傾計,就算放工都唔可以一齊打卡走。」 網民B:「我有野想問隔離個同事,點知當面問完佢之後,佢Skype同我講:『下次其實你可以喺Skype同我講就得』,後尾先知原來公司有規矩唔俾員工當面傾偈,所有野都要through Skype溝通。」 公司文化: 閉門造車 無需溝通 長期嚴禁說話真是人都癲,小編表示非常同情,不過這樣的情況對於奉行傳統企業文化的公司來說原來非常普遍!它們傾向採取結構分明、刻板的文化,員工只需專注於自己負責的工作,無需熟悉其他部門的同事及工作,以致長期缺乏訓練團隊合作及溝通能力的機會,公司亦難以凝聚員工。不過亦聽聞有公司為了阻止員工互通消息、討論公司壞話,索性禁止員工聊天,不過認為這樣可以奏效?公司,你太年輕了~ 一間公司不同的部門就如齒輪般緊緊相扣,需透過溝通、磨合、協作才能高效率地推動公司的運作及發展。以全球最大的半導體製造商Intel為例,企業認為有衝突才有溝通,故鼓勵員工在會議中進行具「建設性的衝突」,讓不同想法碰撞,擦出新火花。...

十大熱門搜尋

Scroll to Top

Processing, please wait…