有網民在Facebook專頁奴工處投稿問：如果收到兩個offer，但想做人工低啲福利差嗰份，會唔會嘗試坦白同佢講，收到另一offer叫佢添啲$？
網友們紛紛出謀獻䇿：
「問可唔可以考慮1-2日，坦白考慮原因。」
「最緊要識美化你嘅字眼。」
「試過，真係加左比我。」
「可以，只要你有料。」
「Why not? 明買明賣。」
「Bargaining power嘅競爭，睇人要你多定你要人多。」
「可以，如果佢請你既話，你要預頭果年冇人工加咁解。」
有興趣的讀者可睇番原文
▪ 收到job offer後，如何以英文得體回覆錄取通知及釐清人工問題？
在求職信的Expected Salary部分，「Negotiable」是常見字眼。實情是，就算你寫上明碼實價，哪有如願以償咁理想！offer臨門，勞資雙方往往要討價還價，你想加時佢想減，即係壓你價。
入職薪金攻防戰
就像購物講價，應徵者與HR／僱主對入職薪酬各有條底線。如何將雙方的距離拉近，變成大家都接受的數字，大致受以下因素影響。
-
市價：市場話事！每個職位在招聘市場上，按其工作範圍、所需技能和經驗而定出價值。有些企業出手爽快些，有些公司手緊點，人工在窄幅上落，但不會相差太遠。求職人士理應掌握行情，以免對薪酬有不切實際的期望。想知道更多唔同工種嘅市價，即刻Click入嚟JobsDB最新嘅2020年 薪酬調查報告睇吓！
-
身價：求職者擁有的技能與工作經驗，構成個人獨有的身價。身懷多張利刀和豐富工作經驗，有助增強bargaining power議價能力，賺取心目中的理想報酬。
-
利用價值：然而個人技能和工作經驗，絕非主觀上認為自己有料到就得，須客觀上切合企業需要，即有利用價值才值錢。否則資方請錯職員出錯糧，浪費金錢和雙方時間。例如工作經驗，也許太豐富變了老seafood，反而成為求職障礙。
-
Good Show：講真，職場也是個舞台，從一份靚仔CV開始，到interview時有技巧地展示出你的技能與經驗，正是企業所急需，才能說服對方願意付出你的expected salary，甚至意料之外的高人工。有時，不是HR壓價，而是求職者未能表現個人怎樣幫到公司發展，令對方覺得叫價不值而已。
-
愛是無敵：冇錯，係愛呀！Dream job難求，遇到心頭好，入到心儀公司，豈可錯過機會，人工爭少少，都會死死氣接受。愛可以彌補一切的。愛，又可否為樓主帶來些微啟示？
▪ 四分一打工仔減薪逾30%！疫境理財靠人工黃金分割比例 每月應儲起幾多？
兩個Offer只能活一個
如果手執兩個offer，魚與熊掌，其實心有所屬，想做人工低啲福利差那份工。表面看來條件不太理想，但能俘虜樓主，猜測這份工有其不足為外人道的優點，若然能在人工方面有所調節，簡直perfect！
欲選擇以興趣為先 建議樓主出口術：
首先，你可以進行自我審視，了解個人專長是否未來僱主所熱切需要，是否在市場難以取代，非你不可的。是的話，樓主對公司極有利用價值，即是極有議價能力。相反，你唔做，公司亦有大把精兵可揀，尤其在現今人浮於事的求職市場上，勞方見你扭計加價，也許會話請你唔起，請你回家。
審視完畢，樓主自覺有力講價，大可放膽開口，但坦白收到另一個offer來要求資方加些人工，是頗為冒險之舉，一旦未來僱主認為你自抬身價，便會如網友所言，叫你過主。為穩陣計，樓主可針對福利差這方面和僱主周旋，以高超的表達技巧，婉言希望對方提升人工以作補償。當資方有心挽留良才時，或者會微調薪金，那就皆大歡喜。
若然對方堅持一蚊不加，擺在面前有兩個選擇：一是向錢看，接受人工高啲福利好啲offer，毋須心大心細。二是為愛低頭，選你好想做，但人工和福利都不盡人意的一份工。入職後努力表現自己，爭取試用期後加人工的機會。再者，攞到寶貴工作經驗，靜待時機日後轉投類似工種亦可。
此文章由原作者及JobsDB HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及JobsDB保留採取法律行動的權利。
