新上任發現職務貨不對辦,出聲唔出聲?

職務

 

打工仔轉工無非都係想轉個好環境,但係,當你以為搵到份筍工,返工首日卻發現貨不對辦,被委派嘅職務同職銜完全唔吻合,嗰一刻簡直係晴天霹靂﹗如果真係有咁嘅情況發生,你會啞忍就範?定係理直氣壯講出心聲呢?

個案一:撰稿員變市務推廣

A應徵一間非牟利機構的撰稿員,當她接獲offer時,感到無比興奮。但第一日返工,上司告訴她負責市務推廣工作。A問上司:招聘廣告刊登嘅係「撰稿員」,點解工作性質唔同?A嘅上司說聘書上寫的職銜是「主任」,唔係「撰稿員」,縱使招聘廣告標明是「撰稿員」,但最終還是按內部所需而作出調整。A有感被賣豬仔,更荒謬的是上司明知A毫無市務推廣經驗,卻安排她策劃宣傳活動,A第一次處理呢類型工作,經常被上司批評她做得不好,A因害怕再轉工而頂硬上。

分析及建議:A看似被招聘機構欺騙,其實佢亦需負起部分責任。在簽聘書前,若發現職銜與招聘廣告所標明的不一致,應即時詢問人事部。而招聘者亦不應隨便作臨時調動,要安排一次招聘活動已耗費不少人力物力,如聘請毫無相關經驗嘅員工,僱主及僱員都同樣受苦。

個案二:記者被安排做編輯職務

某大傳媒機構招聘編輯,當B見工時,編輯部主管解釋該職位已取消,因原本辭職的編輯以兼職形式繼續留任,問B有冇興趣轉做記者?職責以採訪為主,不過薪金會偏低。B雖然申請編輯,但亦鍾意採訪和寫稿,又是大機構,就算薪金偏低也欣然接受。但上工後,主管說編輯每周只返兩日工,要B代他編輯稿件,至於採訪工作,會有其他記者負責。一星期後,B覺得完全是履行編輯職務,卻賺取「記者」薪水,感到不公平。於是B向主管反映,對方卻認為這是給B磨練做主編的大好時機,勸他不應想太多。B決定立刻辭工,並向人事部反映不公平待遇。

分析及建議:B看似放棄了在大機構工作的良機,卻立場明確。B履行的職務跟見工時所理解的職責完全不同,係主管存心欺騙嘅問題。B往後搵工變得份外小心,避免接受臨時更改職銜的offer。

想尋找你下一個機遇? 立即瀏覽jobsDB最新職位