最憎開放式辦公室?偷偷營造私人空間!

開放式辦公室

有唔少打工仔當咗office係第二個家,最like嘅工作間當然係闊落得嚟兼私隱度高,可惜現實冇咁理想﹗香港有唔少辦公室都係採取開放式設計,即係partition低到可有可無,甚至係完全消失,座位又迫又窄。老闆當然喜歡呢種佈局,因為員工喺透明度極高的空間,做乜都一目了然,啱晒控制狂。完全冇say嘅受薪階級,喺被人全方位監視嘅心理威脅下,想保留私人空間,可以點?

1. 放一盞喜愛的精緻檯燈

在毫無阻隔的開放空間,容易與隔離同事「你眼望我眼」,難以集中精神工作。不妨考慮在案頭放一盞你喜愛的精緻檯燈,營造一個私人角落,你會發現自己更能集中精神專心工作。

2. 在辦公桌上放一面小鏡子

喺冇遮冇擋嘅情況下,你或會經常疑神疑鬼,害怕老闆在你左右神出鬼沒,就算你好專心工作,亦唔想失驚無神被背後一個身影而搞到差啲魂飛魄散。不妨考慮在桌上放一面小鏡子,咁做唔係關乎乜嘢風水學玄機,透過鏡子可以或多或少知道幾時有人喺你背後企定定,唔會被嚇壞嘅。

3. 有需要時戴耳機專心工作

如果你的工作需要在非常寧靜的環境下進行,不妨開心見誠跟老闆或上司商量,讓你在嘈吵的時段內戴上耳機。你可選擇播放柔和的音樂,讓你擺脫外來紛擾的環境,繼續努力埋首工作。

4. 與左鄰右里建立良好默契

你和左右前後嘅同事,其實都係坐埋同一條船。倘若大家能夠了解彼此的工作性質,願意互相配合,就可大大提升工作效率。例如,其中有同事需要透過電話跟客戶聯繫,他/她可以設定一個特定的通話時間,讓周邊的同事知道那個時段會比較嘈雜,自行安排做一些不需要高度集中力的工作。

唔想員工因為冇晒私隱而變得怨氣沖天,老闆不妨考慮在開放式辦公室提供特別安排:

1. 流動的工作檯及座椅

開放式設計沒有固定的partition,工作檯和座椅也不必固定在特定地方。如辦公室傢具可以隨時靈活移動,再加上一部手提電腦,員工就可按需要選擇他們喜愛的工作模式。例如同事因為要跟客戶講電話而令環境變得較為嘈雜,當事人或其鄰近的同事可將工作間移動至另一角落,繼續專心投入工作。

2. 提供密閉工作間隔

公司可設定三數個密閉的工作室,一方面可供員工開會之用,也可以讓有需要的同事轉移工作陣地,在需要寧靜思考時充分利用這些空間。若然辦公室的空間有限,也可裝置一些可延長或收起的摺疊式屏封,當有需要時利用這些屏封劃分出一個私人角落,也是不錯的選擇。

3. Pantry佈局成咖啡室一隅

近這幾年,有不少人喜歡到咖啡室打開laptop工作,甚至相約客戶傾談公事。因咖啡室的氛圍讓人完全放鬆心情,更可以在愉悅的環境下與同事想出更具創意的構思。在辦公室內,不妨將Pantry也佈局成咖啡室的一隅,例如擺上一張設計精美的小圓檯及數張舒服的座椅,將燈光調教至昏黃柔和。偶爾在下午時段,讓員工在這兒享受一杯咖啡,他們可鬆弛神經之餘,也可以令工作氣氛變得輕鬆寫意,有助提升工作效率。

老闆們花些心思,其實不用花費很大也能令員工感受那份真摯與關懷,這些小變更可無形中提升員工對公司的投入度,值得參考。