乞客:未來機械侍應對乞客的5大威脅

FacebookWhatsAppTelegramEmailCopy Link

 

科技日新月異,香港已有唔少餐廳配有自動下單系統,例如手機下單,枱面螢幕下單。相信不久將來會有更多功能嘅機械侍應投入比較高尚嘅餐廳工作,以幫助飲食界長期缺人嘅情況。不過機械侍應嘅加入,可能係乞客嘅末路。

成日話工種會俾AI取代,其實另一面佢都幫緊大家製造就業機會,減少人同工錯配機率﹗呢件事係點發生?去片解畫啦﹗
1. 人情通融行方便消失

乞客最喜歡就係用語言偽術去歪曲事實多多藉口,或者用情緒勒索嚟叫人/命令人行個方便。但機械侍應只會執正嚟做,Coupon過咗期就係過咗期,遲到就係遲到,8點還枱就係8點還枱,關咗門就係關咗門。無得再話咩你山長水遠嚟用Coupon或者咩好肚餓呀做埋你呢單。指令就係指令,規矩就係規矩。

2. 主觀藉口投訴獲得著數機會極微

乞客們最鍾意就係用『服務態度差』、『黑面臭面』、『啲食物無上次咁好食』『杯凍飲好凍』等等主觀或無理嘅藉口去獲得著數。但喺從不黑面臭面嘅機械侍應控制下,所有主觀嘅投訴將會不獲處理。變相乞客就更加難去獲得著數啦。

▪ 食店老闆的煩惱—大廚超難搵 食店長缺靈魂人物點營運?炒散廚成大勢所趨?

▪ 外賣仔變新興工種「步兵」?自由報更、唔睇老闆臉色 遇西客也毋須妥協

3. 投訴方法變得複雜及處理緩慢

面對住一啲較為複雜嘅投訴,例如客人話份食物偏咸或者份量少咗,機械侍應未能即時應對。口頭投訴消失,變成全書面化,什至客人要自己搜集證據去投訴例如影相、拍片等等,再等人手專人處理,結果投訴比以往變得非常困難同處理緩慢。

4. 沒法從辱罵侍應取得成就感

有啲乞客就喜歡喺辱罵侍應中取得成就感,覺得自己畀錢嚟食嘢當然要比你高高在上,侍應服務佢就要卑鞠屈膝,有時侍應忍不住反擊仲會令乞客沾沾自喜,有啲仲過份到想玩到人工都無得開。但機械侍應則不會受乞客嘅情緒影響,更加唔怕被炒,變相乞客自感無癮不快。

▪ 入行28載,半島酒吧侍應如何一步步攀至餐飲部總監?

▪ 點解餐飲業咁難請人?茶餐廳老闆娘狂呻:「而家啲人鍾意炒散多過全職﹗」

5. 不能冒認熟客/VIP/老闆朋友

人腦有限好難記得所有熟客,老闆朋友,VIP等等人士。好多時候侍應都好怕得罪自稱熟客/VIP/老闆朋友嘅人,盡量都會優侍咗先。萬一真係堅嘅,好易畀上頭照肺。雖然好多結果都會係老闆一啲都唔熟嘅朋友,半年嚟一次嘅熟客。冒認撻朵拎著數嘅人真係多不聲數。但機械侍應對熟客/VIP/老闆朋友應有Data base認知,或者熟客/VIP會有專屬卡來認證。到時我識邊個邊個, 叫邊個邊個嚟,邊個邊個認得我變得不可能。最後只能乖乖做位平民畀正價嚟食飯。

雖然機械侍應能夠克制到強大嘅乞客,但喺提供服務同處理難題上都會比人手較為緩慢同笨拙。溝通上又會比較單一同直接。一部機械雖然唔會病,唔會累,唔會黑面,但想享受全面嘅餐飲服務同人性化嘅處理,暫時嚟講,人始終都會較為優勝。請各位客人好好珍惜仲有得享受真人侍能服務嘅時代。

店小二Mary
90後大學設計系畢業,任職餐飲接近10年,初初做飲食純粹玩吓做吓炒散,到試過做office工,反而鍾意做返侍應。10年嚟serve過唔少經典麻煩客人,故開設FB專頁「乞客The Beggar in the Restaurant」,分享餐廳搞笑事及職場嘅各種心酸屎。
 
 
 

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

Increase your chances of getting hired. Create a jobsDB profile

Increase your chances of getting hired. Update your jobsDB profile

熱門文章
米行聽來彷彿是舊日行業,但原來仍有許多在經營,早前搶米潮下更有米行派米給老人家,永隆米行是其中之一。負責人之一的Steven是80後,「我之前一直做零售業,都想接觸些新事物,7年前爸爸打工的米行不做了,手上有班客,我們便一起開米行。」 家用...
由年初開始、疫情持續爆發期間,為了減少社區爆發的風險,不少公司容許員工在家工作,保障打工仔的健康。今年5月,JobsDB委託獨立調查機構向三千一百名打工仔及八百多名僱主進行網上問卷調查,而根據其最新公佈的《疫情下職場調查》結果顯示,43%...

十大熱門搜尋

Scroll to Top