灰爆!俊男美女搵工真係有著數

俊男美女搵工真係有著數

外型討好對於搵工就業真係有著數,雖然灰,但俊男同美女原來有別。據Business Insider報道1,招聘經理請人嘅準則係取決於一項絕對抽象嘅因素—求職者外型係咪吸引。該報道指某外國網站研究了5,000名從事服務業及以時薪制受聘嘅應徵者檔案,調查結果顯示具吸引力嘅女性在面試中獲得較高分數。


男女形貌佳,面試結果不一樣

據另一項調查顯示2,64%受訪者表示外型吸引嘅女性會較易獲聘同得到更高薪酬,而60%男受訪者則認為男生長得較高,獲聘機會亦相對提升。當男女申請同一職位,50%受訪者認為外表具吸引力嘅女性會較易獲聘,只有16%受訪者認為形貌佳嘅男性會較易成功。另一項由美國馬里蘭大學進行嘅調查亦與上述結果互相呼應3:型男反而冇咁容易成功獲聘,對於面試官嚟講,男下屬嘅外型越具吸引力,代表工作能力越高,但假如佢哋成為同事,反而會演變成競爭對手,對自己構成威脅。


外貌贏在第一印象,態度舉止更要緊

上述結果可反映出,唔少人仍然會覺得漂亮女性會較易在求職過程中突圍而出,但外型吸引嘅男性睇落就唔係好著數。雖然男女外型喺職場上各有唔同睇法,大部分人認為見工嘅第一印象始終係非常重要,亦不只限於外貌,態度舉止更為要緊。


無論係咪俊男美女,見工前都應先做好自我形象管理,至少俾面試官感覺係專業同認真,不妨參考以下建議:

  • 表現自信、友善、熱誠,雙眼直視面試官(但唔好長時間凝視),保持腰背挺直,不時展露微笑,面試官說話時要適時點頭,示意用心聆聽。
  • 唔一定所有面試都要穿正裝,要視乎職位而定,某些職位如設計、社交網站程式員、傳媒等工作,可穿得較有個性,如繫上具特色嘅圍巾或戴上配合個人風格嘅手錶,突顯個人特色。
  • 回答要講重點,唔好長篇大論,如果面試官係問及個人見解,可以提出具體實例支持你嘅想法。

 

延伸閱讀:服飾配搭助提升工作投入度,融合公司文化



資料來源:
1.     Business Insider: Your Chances Of Getting A Job Interview Greatly Increase If You’re An Attractive Woman(2014年10月10日)
2.     Live Career: Do Attractive People Have an Edge in the Workplace? (2015年3月19日)
3.     每日郵報 (Daily Mail): How being attractive can ruin your career: Good-looking men get less job offers because they intimidate bosses, says study (2015年4月24日)

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案