畢業hea吓唔搵工,網民意見一面倒!如何令僱主對空窗期不負面?

FacebookWhatsAppTelegramEmailCopy Link

有網民在論壇開po問:「剛畢業hea 1-2年唔搵工有無影響?佢有好多讀乞食科 啲friends都好hea,打算1-2年都唔做嘢尋找興趣。專科可能會難搵工,但如果係非專科嘅話,僱主會唔會對空窗期有負面睇法?」

網友踴躍發表意見:

「青春係你嘅,過得有意義嘅就得。」

「5,6年都冇問題,屋企有錢就得。」

「有疫情,完全解釋到,冇問題。」

「無乜所謂,D人working holiday咪又係咁。」

「Hea都要有嘢做先得㗎,日日瞓喺屋企張床度咩。」

「FG先最唔怕空白期,反正老細當請白紙。」

「我degree完去咗一年旅行,再讀postgrad之後又去咗半年旅行,差唔多26歲先做嘢。次次in問我嗰年半做過咩,我都係照答去旅行,d老細就覺得好有趣,係hr就懶多意見,不過佢哋完全冇話事權。」

讀者想睇多啲留言,可睇番原po

▪ 面試刁難問題點回答?見工被問:依家啲後生好自以為是,你點睇?

▪ 【疫市搵工】市道低迷持續 畢業生或難覓長工 7大求職策略袋定旁身

香港地生活指數高,職場競爭激烈,打工仔轉工最好工駁工,唔好俾收入停,況且CV有三幾個月從缺,向HR解釋還算容易,如果空白期以年計起標,除了搵少好多薪金之外,最怕求職面試時被對方問到口啞啞。所以,坊間有不少達人教路,指點應徵者如何為空窗期自圓其說。

空出個理由

最大路的原因當屬趁工作空白期進修、自我增值、個人生病休養或照顧家人,以及旅遊或參加工作假期等。而應對HR逼供的要訣就是化負為正,將有機會予人負面觀感的理由,轉化為令人產生正向印象的解說。例如周遊列國是讀萬卷書不如行萬里路,希望增廣見聞;working holiday同樣是擴闊眼界的佳選,極速訓練個人獨立和解難能力;休息是為了走更遠的路等等。女性員工即使懷孕生產後,為育兒而離職數年,但把一頭家打理得井井有條,當中的管理和組織能力,缺一不可。總之,放個悠長假期並非白白度過,期間培養出的識見與技能,大可移用於日後受聘的企業,反映自己正是提高公司生產力的良才。切記最高竅門是真誠,和interviewer對答時雖可加鹽添醋,盡情表現自己,唯忌編造謊言。別以為見慣奇人異士的HR易騙,穿煲時只會落得成為見工loser。

不過,若是fresh grad,畢業即失業,卻主動不求職,hea的時間比中途休息、暫停搏殺的一般打工仔長,為求思考將來路向,也不無道理。

▪ 三分一打工仔揀裸辭﹗難忍工作壓力 寧捨安穩獲取限定自由身

▪ 海外進修注意!外國讀書除錢以外,你需要考慮的4件事

Hea出個未來

其實,很多大學畢業生離開校園,第一件事不是狂send求職信,而是揹起背囊,出走地球村,遊歷個一年半載,鳥倦知還才正式找工作,早已不是甚麼新鮮要聞。香港普羅家庭的財富比你我想像中「深不可測」,毋須大富大貴,也能afford得起家中年輕人不工作一兩年,讓他們稍作沉澱,從而找出真.興趣,就像樓主讀乞食科啲friends一樣。你估仲好似上世紀啲FG走出校門,即刻搵工擔起頭家咩。也許人在象牙塔時,尚未能規劃到自己的職涯,又未摸索到自己的未來志向,以致畢業後不忙於應徵,留在家中追尋理想,亦無可厚非。然而,宅在家玩物喪志抑或玩物得志,就視乎識hea與否。

  • 眾裏尋它:首先在家hea一兩年搵興趣,那就切切實實從個人興趣出發,哪個才是真愛?除了正經八百的嗜好,別睇小諸如打機、煲劇、拍片做KOL,以至砌積木等玩意呀。

  • 自成一家:然後就花時間用心玩,邊hea邊研究,玩到成精,小興趣也可發展為大志向。精於打機的,做電競選手年薪可以過千萬;愛煲劇睇戲的,英國有零售商聘請電影觀賞員,睇完戲寫影評,便可得300英鎊酬勞;甚至沉迷砌LEGO的,轉型做積木設計師的大有人在。

宅夠了,要出山求職,碰着面試官追問,除了公式化的受疫情影響、進修增值、照顧至親等理由,你也可信心滿滿的說:「畢業後的空窗期,有助你深入了解自己,確立人生目標,有利個人成長,使你意志昂揚,準備好上戰場。」這可讓僱主感受到你積極的態度,對方便不會有負面觀感。萬一找不到理想工作,要退而求其次選擇其他工作的話。這時候,在空窗期培養出來的興趣,也可令你在工餘有些「細藝」消愁解悶。說不定有朝一日那些小玩意,會是你轉工轉型的關鍵呢!

 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及JobsDB保留採取法律行動的權利。

 

熱門文章
進入面試階段,感到競爭壓力是必然的事,但絕不可以被壓力擊倒,反而要遇強愈強,想想怎樣能加強自己在面試中的表現,用盡一切方法表現自己的技能,務求讓潛能都浮晒上面,讓對方知道你是出任這職缺的不二人選!打造最強面試表現,你要…… 1. 在起跑線上...
有網民在論壇開po問:「有咩工一睇個job description就知道伏?例如Shift-duty required, Able to work under pressure, 5.5 working......
在街市上班,難免令人感覺有點土氣,中佬、師奶可能不介意,對於年輕一代,肯定不是首選。不過時移世易,隨着新潮街市興起,街市形象起了變化,更產生了一些新工種,街市DJ便是其一。從此,街市上班不一定是豬肉榮、賣魚勝,也可以是朝氣勃勃的後生仔! 新...

十大熱門搜尋

Scroll to Top

Processing, please wait…