疫情及移民潮夾擊!金融工作前景未明朗 本地及海外職場有新出路?

FacebookWhatsAppTelegramEmailCopy Link

2020 年嘅第三季,同時出現肺炎疫情嘅第三波。原本預期復甦嘅市道,一下子又面臨打回原形。

好在香港股票市場新股上市一浪接一浪,主要受惠於「中國概念股」從美股市場回流返香港「第二上市」,以及一眾醫藥、生物科技及物業管理股份大受投資者歡迎。因此,原本叫苦連天嘅證券經紀行,喺「疫」境中嘅生意額反而見底反彈,連帶有證券交易服務嘅銀行都因此而賺返多啲非利息收入。

銀行及金融業招聘步伐偏慢

與此同時,幾家籌備多時嘅虛擬銀行亦紛紛試業,雖然普遍仍然處於燒錢階段,但係隨住虛擬銀行吸納存款並開始提供借貸服務賺取息差,經營狀況總算有希望改善一下。

不過,金融機構生意好轉,又唔代表就業市場即時回暖喎。需知道公司本身業務需求,同對於員工嘅需求之間嘅傳導係需要多少時間嘅。何況大行上半年業績普遍出現倒退,除非個別職位空缺非填補不可,否則招聘嘅步伐都係偏慢嘅。

又咁講,冇大規模嘅裁員消息已經算偷笑啦,某跨國銀行嘅高層今年六月先至喺內部出memo 話「係時候重啟裁員計劃」,差在唔知會唔會因為疫情第三波而再次暫緩。

如是者,銀行及金融從業員前景係咪清一色睇淡?一半半啦。頭先講過嘅大行,的確有傾向精簡人手,包括早年因為法規需要而大肆擴張嘅反洗錢(AML) 相關職能,而家係出現“Optimization” 嘅趨勢。咩叫“Optimize” ?直接啲講,咪即係削減人手數目,配合返公司資源調配同埋實際需要囉。

咁另一半係乜嘢?聽聞說仍然有美資行逆市請人,亦有一啲小型嘅私募基金透過獵頭招攬人才。證券業協會亦都喺今年七月份宣布將會招攬15 名實習生,喺冇咩好消息嘅情況之下,有招聘活動已經係天大嘅喜訊咯。

▪ 疫情漸退, 金融界招聘市場回暖未?

▪ 世界級打工仔 —金融界Expat人工高過「本地薑」?印度專才成新勢力

金融人移民海外專業資格或成救命草

除咗本地市場,近來大家可能都會思考喺海外工作嘅可能性。無他,社會環境急劇變化,為自己同為家人生活著想,放眼世界都係一個好選擇。

但係好坦白講,relocate 從來都唔係容易嘅事。對海外僱主嚟講,請個香港人過去返工,手續繁複而且隔山買牛,冇咩特別原因或誘因,都好少可會咁做。加入歐美大行,博取未來有得內部調職去海外嘅機會,未嘗唔係一個選擇。但係,如果而家先至開始呢個過程,都起碼要投資多三至五年先至有咁嘅機會。

另一個比較直截了當嘅方法,當然係去到當地先至求職。不過首先要諗返,自己到底有啲乜嘢過人之處或者特殊技能,可以令當地金融機構選擇請你。呢個時候,一啲專業資格同埋語言考試嘅成績就可能成為大家嘅救命草。有喺澳洲嘅朋友話,即使你本身已經有CPA 資格,最好都要有英文IELTS 全卷都取得7分或8 分以上先至可以加分,提高到當地就業機會。

講到尾,無論喺香港抑或外地求職,首先都係要裝備好自己。如果過往做得唔夠嘅,好快啲諗下自己適合讀啲乜嘢專業資格,提升競爭力啦。

撰文:職場心經

 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

熱門文章
疫情下大家都想放鬆,單車多了人踩,維修師傅又會否變得受歡迎?前港隊代表、8年前開設「Cyclist Workshop 單車手維修工作室」的林定邦,一直以單車為伴,他笑言:「我只懂單車。」 修車也要望聞問切、落場試車 小時候他就喜歡研究單車:...
左起為「尋補」創辨人胡潤潔(Kit)、吳沛源(Andy)及市場部經理李錦躍(Billie)。 本港疫情持續,即使快將踏入開學季節,政府早前宣布全港學校暫停所有面授課堂,學生繼續視像上課。在疫情之初,學生大多處於停課狀態,因此...
新界大西北也有工業區,意想不到吧?香港現時只剩下三個工業邨,元朗佔據其一。上水除了曾是水客貨的樂園,鄰近民居之處也有小小工商業區,粉嶺亦然呢!而且,還有很多看似沒落的產業,悄悄在郊野田園上甦醒。 元朗  工業邨聚集醫藥廠 香港開埠才百多年,...

十大熱門搜尋

Scroll to Top