置地記者:《職場滅火筒》

置地記者:《職場滅火筒》夏日炎炎,天時暑熱,打工仔返工本身已經大汗淋漓,周身唔自在,如果再加上工作環境有磨擦衝突,自不然更加心浮氣躁,同事之間擦槍走火在所難免。一個唔覺意做錯嘢嘅話,小則要大家夜啲執手尾,大則影響到客戶、有金錢損失,甚或違反監管機構嘅要求。

▪張晨:「出於對公司的善意,也許就是對其他同事的惡意。」

▪是甚麼造就職場欺凌?辦公室人性困獸鬥,平凡人藏着最壞的心眼……

所以,有少少規模嘅機構,都會有 “Incident Escalation” 嘅機制。中文嘅講法,係「事故上報」。愈係龐大嘅機構,愈需要一個完善嘅事故上報機制。原因?你幻想下一棟五層樓高嘅舊樓,同一棟樓高 120 層嘅摩天大廈,同樣地係喺二樓發生火警,火勢不受控制咁蔓延,邊一棟樓嘅通報機制更複雜、受牽連嘅人更多、疏散需時更長?好明顯係後者啦。

同樣地,喺分工精細嘅大機構,發生一個人為錯誤 (operational error) ,要評估影響同埋善後工作,需要召集嘅部門數目通常會比較多。換轉係細公司嘅,來來去去都係嗰幾丁友埋枱傾掂佢啦。邊使咁大陣仗?510x120-v1

今集主人翁「職場滅火筒」亦正正係喺大機構出現嘅人物。風和日麗嘅時候,佢可以游手好閒 (其實都唔係,佢本身都有風險管理方面嘅工作,例如話更新下政策、檢視下個別部門嘅風險水平或者預防措施做得好唔好之類) ,但係一旦打風落雨,例如話某個後勤 (operations) 部門「爆鑊」嘅時候,佢就要企出嚟,召集相關嘅一干人等,例如話合規 (compliance) 、資訊科技 (information technology) 甚至產品及銷售部門,一齊分析事故嘅性質、評估嚴重情況、制訂補救措施,以及事後作出檢討,釐訂改善計劃,避免類似事故再次發生。

▪我做Marketing:職場交叉點:同事犯錯,你會唔會出聲?

▪失職、累公司蝕錢會被炒?《僱傭條例》中的無理及合理解僱 灰色地帶你要知

大家可以睇到,「職場滅火筒」角色其實都有少少被動,如果全世界都當佢冇到,發生大小事件都唔通知佢,其實佢都唔知幾時出場去救火。所以事故上報機制嘅嘢,事必要全間公司上上下下都要心領神會,培養「有事記得出講嚟」嘅文化,而唔係「冚冚埋埋」或者「睇唔到當冇事」。欺上暪下嘅行為,當然就更加係不能接受。

假設「職場滅火筒」奉命到場,第一件事要做嘅係乜嘢呢?唔係救火,而係評估形勢。火都有分好多種,如果係電火而唔理三七廿一用水撲救,咁我就真係恭喜你喇。所以「職場滅火筒」要集思廣益,釐清事實,然後判斷必須採取嘅措施,以及有啲乜嘢係千祈、千祈唔好做嘅。有好多時候,好多公司或機構嘅「關公災難」,就係呢一個位判斷出錯,誤判形勢之下擺錯姿態,搵火水救火,團火咪燒得更紅更旺囉。

▪我做Marketing:職場見到都眼冤嘅同事

▪上司10大乞人憎行為:偏心、假民主、臨收工先嚟料 小薯怨聲停不了

又假設「職場滅火筒」冇斷錯症,順利大事化小、小事化無,都唔等如可以馬上收隊離場。尤其是如果事件涉及「報官」 (向監管機構報告及備案) ,監管機構必然查詢公司嘅調查結果,由事故起因、到善後工作、到預防事故重演嘅措施,都總會問清問楚。「職場滅火筒」作為統籌單位,「好頭好尾」,當然要順手檢討埋內部政策、流程以至員工意識及培訓內容,有咩唔妥就趁新鮮滾熱辣執好

佢,並且妥善地紀錄在案。咁樣,即使一單事故造成一定程度嘅損失、消耗咗一定人力物力,呢啲損耗亦並非全無價值。

講到最尾,大家想知道「職場滅火筒」係邊個嗎?就好似消防處宣傳話齋,係任何人呀!任何人識吹雞 (whistle-blowing) 、識幫手分析、識執行改善措施,無分大粒細粒高層低層,都係「職場滅火筒」。

置地記者
原本一心想做戰地,唔覺意去錯咗置地。 原本想走在最前線,唔小心做咗文員仔。 都係寫字嘅,都係記者啫,冇乜所謂啦。

檢視此作者的所有文章


閱讀:

《置地記者》:馬雲解密—996與669的因果關係

置地記者:金融界遍地花紅?四、五個月B仔是例外,大銀行按成績級別分花紅

置地記者:「一味擴音的喇叭,累人累己知道嗎?」

 此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案