【聖誕限定兼職】各大商店召喚扮工仔專員、包禮物達人 節日打工時薪多兩成

【聖誕限定兼職】各大商號召喚扮工仔專員、包禮物達人 節日打工旺場比平日賺多兩成

對於已經投身全職職場嘅你嚟講,聖誕開工固然十分殘忍﹔不過對於在學中嘅大學生嚟講,聖誕簡直係兼職旺季,事關由十二月中至一月頭,全城都有慶典、嘉年華、推廣活動,自然有人力需求。而且因為假期關係,不少公司願意加碼去請part-time,以時薪$50為中位數的兼職,聖誕價或加至$60。以下精選五大聖誕兼職職位,睇下你啱唔啱做:

▪【周末兼職達人】係咩驅使佢星期六日都兼職?炒散Event Helper做足十幾年

1.扮工仔人員

如果你自問體力不俗,可以向這個聖誕兼職筍位挑戰,筍喺邊?時薪以$100計起,呢個仲要係平時價,換而言之,可以期望聖誕新年係人手短缺下,該類職位會加錢請人。不過就通常做半日,始終着住件密封卡通衫仲要戴埋頭套,會有腦缺氧危機呀﹗

返工地點:商場或戶外嘉年華

時薪:$120-$200

▪除咗聖誕兼職,仲有邊啲兼職炒散空缺?

2.禮物包裝員

聖誕呢啲購物旺季,又係一眾shoppers出沒嘅黃金佳期嘞﹗買聖誕禮物畀朋友同家人都係指定動作,可預期包禮物人手自然急升,雖然呢類聖誕/節日兼職未算技術含量好高,但都需要手巧之人先可以做得快,令到排隊人流去得快。

返工地點:大型連瑣店、百貨公司

時薪:約$50-$70

兼職「工」缺搜一搜

3.Event Helper活動助理

Event Helper涵蓋範圍都幾大,基本上只有活動,無論大型小型,都需要呢類兼職,何況聖誕同新年檔期,預計Event Helper需求量會同promoter兼職店員睇齊, 而且唔需要特別技能,基本工作包括招呼嘉賓、管制人流同物資,協助活動進行。

返工地點:戶外活動、商場活動、表演活動

時薪:$50-$80

4.品牌promoter

各大品牌或公司都會係聖誕期間請promoter為服務或產品造勢,可以預期呢類promoter需求都會大增,咁promoter同event helper有唔同嘅係,前者需要更積極同主動去approach客人﹐或者需要meet sales quota。

返工地點:戶外road show或店舖

時薪:$60起,或會有獎金(視乎需唔需要跑數)

5.臨時客服

親,機會來了。

自問親切又有耐性嘅你,加上普通話都OK就去馬啦﹗佳節期間,自由行預期上升小小(因國內朋友冇聖誕假,未必會有大批人潮湧入),不過即使冇假,自由行一向遍地開花。聖誕節預期商場人流會大增,自然要增添臨時客服應付客人查詢同跟進投訴。

返工地點:商場、主題樂園

時薪:$60-$80

6.辦公室助理

其實臨近年尾,有好多公司都會增聘part-time人手,一來有好多文件要搞啦,二來公司可能雜務繁多,唔請唔得,咁呢類位最主要技能都係識打字、excel、文書處理,好處係廿五、廿六號唔使開工。

返工地點:各大小公司辦公室

時薪:$40-$50

7.Christmas Ambassador/聖誕大使

係聖誕兼職工種中,呢類就比較難睇title估到佢係做乜。同其他兼職唔同嘅係,Christmas Ambassador/聖誕大使通常要着聖誕制服,或者會陪住聖誕老人一齊出場活動,或者喺指定地點派發禮物贈品,總之呢,工作範圍好廣,視乎請你嘅單位需要你做咩。

返工地點:商場、戶外

時薪:$60-$100

8.化妝品店員

最後呢個位,啲女士一定知點解,舉凡佳節,好多美容、化妝品牌或者連鎖店都會有好多優惠呀、禮盒推出,咁就需要增聘人手招呼客人。呢類兼職,通常需要氣質較成熟同有化妝習慣嘅學生們去擔戴。

返工地點:品牌店舖

時薪:$60-$80

延讀閱讀:

【周末兼職達人】係咩驅使佢星期六日都兼職?炒散Event Helper做足十幾年

打工仔Part-time做乜好 小心唔好被捉到

【自由有價】周未freelancer你估易做㗎?看似自由 實際工時長

 此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案