職場海鮮價—給HR的採購指南 新海鮮與老海鮮人工有升冇跌

FacebookWhatsAppTelegramEmailCopy Link

喺工作間提起海鮮,大家都自不然諗起公司啲老臣子們,不過你有所不知,喺一個詭譎多變嘅職場世界,有啲職位真係可以好海鮮價,唔一定係公司重臣,反而因為行業發展前景而受惠嘅工作都有加海鮮價人工嘅開心景況出現。我哋又嚟睇一睇2019年邊啲老海鮮繼續稱霸,而新海鮮又點樣突圍而出?

老海鮮:傳統型霸主

喺海鮮嘅世界入面,總有啲熟口熟面,食極唔厭嘅老海鮮,同樣喺職場上,亦有啲不能或缺嘅傳統權威性職位。

職場海鮮價-給HR的採購指南-新海鮮與老海鮮人工有升冇跌

▪ HR天敵逐個捉:Sales阿頭、會計部、IT人 無底線做醜人 宜與時並進自救

1. 龍躉 = General Manager

職場屬性:喺深海生活,非常離地但同時城府極深。

人工:舊年66K﹔今年75K  ↑12.5%

2. 金錢斑 = CFO

職場屬性:價格昂貴,具有極高經濟價值。掌控一間公司財脈,秒秒鐘百萬上落。

人工:舊年85K﹔今年90K  ↑4.8%

3. 烏頭 = Property Manager

職場屬性:低調及生命力頑強,游走於各個持份者之間。常年處理業主投訴,因而獲EQ加值。

人工:舊年37K﹔今年40K  ↑7%

4. 鮑魚 = Marketing Director

職場屬性:觸覺敏銳,足腹吸力驚人,喺驚濤駭浪嘅市場上同競爭者抗衡,巨浪都沖佢唔走。

人工:舊年54K﹔今年59K  ↑8.2%

5. 蘇眉 = IT Security Manager

職場屬性:負責IT後防部,市場需求大,價錢浮動難估。

人工:舊年51K﹔今年59K  ↑14%

6. 鰻魚 = Sales Director

職場屬性:非常圓滑,喺海鮮之間穿梭自如,牙力尖銳驚人,獵物極易俾佢咬親,常予人老奸巨滑嘅感覺。

人工:舊年價 49K;今年價:53K ↑7.8%

▪ HR不成文規定的年齡歧視:40歲以後遇中年難就業困境怎麼辦?

▪ HR問:「你覺得我點?」—見工面試遇着古怪問題,是故意刁難還是……

新海鮮—新作風

喺新海鮮世界裏面,唔少受惠於數碼行業嘅工作都有一啲顯著行情升幅,同時IT水域亦有「新海鮮」喺短短一年時間內冒出頭來。至於一向隨時代轉型之行業,亦都會加入新海鮮行業競價,HR做採購時真係要落足眼力,認清邊啲求職者有新潛力。

▪ 經Agent搞求職配對 有見工冇下文 莫非跌入咗陪跑之騙局?

1. 海膽 = Reporter

職場屬性:喜歡夜間工作,極有性格,渾身是膽。

人工:舊年價 15K;今年價:19K ↑30%

2. 蝦 = Public Relations Manager

職場屬性:適應力強,形象討好,睇落人畜無害,因公關手腕強,經常可以化解困局。

人工:舊年價 36K;今年價:40K ↑11.2%

3. 魷魚 = Newbies(新人)

職場屬性:新嚟報到,表面軟腍腍易支配,熟咗之後發現質地極韌。

人工:舊年價 14K;今年價:16K ↑13%

4. 瀨尿蝦 = Risk Manager

職場屬性:保護意識強,視力敏銳,經常洞悉危機,必要時會放水自救,降低虧蝕風險。

人工:舊年價 57K;今年價:61K ↑6.7%

5. 長腳蟹 = DevOps Engineer

職場屬性:因腳長能跨部門工作,涉足電腦界的開發及營運兩大範疇。

人工:舊年價 21K;今年價:33K ↑52.2%

6. 蟶子 = Digital Marketing Executive

職場屬性:極之活躍,游走於數碼世界,專監察人類網上行為,追求KPI。

人工:舊年價 17K;今年價:20K ↑12%

*以上薪酬數據資料根據jobsDB2019年薪酬調查報告》及新《2018 年大專生就業狀況調查報告調查所得

 

 此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

Increase your chances of getting hired. Create a jobsDB profile

Increase your chances of getting hired. Update your jobsDB profile

想收到更多JobsDB最新職場資訊?

熱門文章
近年做工程嗰啲文件真係一日比一日多。聽講幾十年前嘅地盤,係由頭到尾都唔多文件,但而家閒閒哋一支樓仔都可以出幾千份文件。基本上,將啲文件攤開佢嘅話,面積好可能會大過總樓面面積。 主要建築文件的分類 首先,所有建築都先要有探土丶周邊環境/限制的文件、比設計師們做佢哋嘅設計圖、做各種計算(GFA力學風量排水量等等),以及其他對政府同埋發展商嘅文件。之後就到工料測量師們計返嗰樣嘢嘅工程量用嚟做合約。然後到承建商同埋分判入場,開始要入返啲進度計劃、施工方案、材料報批、風險評估、施工深化圖等等一系列嘅文件。再之後就係一系列嘅業主、設計、承建、分判相互間嘅信來信住,包括你話我慢、我又話你阻住我、我又話你增加咗嘢要加錢、你又話我整爛你啲嘢要扣錢等等,同埋仲有好多測試文件、做完嘅驗收文件。 文件的用處 呢個世界上,每樣嘢存在都有佢嘅意義。雖然好多地盤人覺得好多文件都好廢,但係佢哋(文件)都有佢嘅用處。由初期嘅建築大綱,到慢慢細化每樣嘢,先令到呢個建築物從大方向去到每一個細位都能夠合理地興建出嚟。 ▪ 地盤佬日誌—地盤最重視嘅節日 ▪ 地盤佬日誌—好判頭&好騙頭 冇實際作用的文件...
打工仔常說:「在辦公室裏做人比工作更難啊!」若不幸遇到職場欺凌,大部分打工仔也會選擇啞忍或辭職。香港教育專業人員協會在今年2月以電郵向超過一千名教師進行調查,發現過半受訪者在過去六個月內,也在學校遭遇過一次或以上的職場欺凌,例如言語的攻擊、冷嘲熱諷、在背後中傷、上司不停打壓,甚至給過量不合理的工作等等。 這些只是冰山一角,欺凌問題充斥在各行各業。作為打工仔的你該如何應對呢?直接與欺凌者對話,背後的說三道四者,就最怕光明正大的擺上枱面?記錄所有「罪證」,若將來要向公司投訴或訴諸法庭時,這些證據也會成為呈堂証供?與人傾訴和嘗試磨合後也解決不了,那就訴諸投訴機制:工會、勞工、勞工組織和法律援助,都是你的武器?千萬別採取極端招數報復,也不要怪責和否定自己?以下為你詳細解說面對職場欺凌的Dos & Don’ts! 遇到職場欺凌你要做的事 1. 直接與欺凌者對話 愈早發聲,就可避免自己成為「長期攻擊」的對象,這是最關鍵亦最難行的一步,但只要有勇氣踏出這一步,就好大機會可解決問題。要知道如果你愈是忍氣吞聲,欺凌者就會變本加厲。所以當你注意到你受到欺凌時,在情況許可下,可作出即時回應。 例如同事經常要你去幫忙做自己工作範圍以外的事,你可禮貌地說:「不」。幫得一次,他就會繼續找你麻煩;若果你的拒絕令到他說更多難聽的說話,甚至作出人身攻擊,你就要直接說出你的感受,例如:「我無法幫你處理你的工作,但亦請你停止你帶有侮辱性的說話。」很多時候欺凌者會以「開玩笑」作為藉口,或者笑你「唔玩得」,此時你亦可以直接說出你真實的感受:「對啊,我不認為可以這樣開玩笑,希望你能尊重我。」說話時亦要注意自己的姿體語言,挺起胸膛抬起頭地顯露自己的自信。 很多時候欺凌者就是看準被欺凌者的懦弱,透過打敗別人來獲取成功感。若你能自信地回應他的冷嘲熱諷,一來他不會預計到你「原來」懂得反抗,能殺他一個措手不及。二來,每次你也正面反擊,他不能獲得成功感,漸漸便會失去攻擊你的興趣。...
If you have attended job interviews, you would know that...

十大熱門搜尋

Scroll to Top

Processing, please wait…