職場無限LOOP,你LOOP到去邊度?

職場無限loop-你loop到去邊度

中學時考高考/DSE,日日補課、喺自修室操past paper、背書背到深夜,苦不堪言。有人同你講,捱多半年,考到入大學就係神仙,於是你頂硬上。

入到大學,忙住上莊、做part-time、考mid- term、趕project、寫paper、考final、暑假返internship,通咗唔知幾多晚頂。有人同你講,捱多兩年,出到社會做嘢就有自由,想做乜都得,於是你頂硬上。

出到嚟社會做嘢,本身幻想自己一畢業就搵20k,點知俾人壓到10k先有工返,仲要日日免費OT三粒鐘,計返仲少過最低工資。有人同你講,捱多幾年,上咗位就有好日子過……但你望住你阿姐,早過你返,遲過你收工,拖都冇時間拍,都只係搵緊20k尾。

你開始問自己:喺呢間公司營營役役,重覆又重覆做同一樣嘢,升到上阿姐個位,做佢宜家做嘅嘢,就係你嘅目標?

係時候諗一諗,點樣keep住自己團火,逃離呢個無。限。LOOP。

除咗份糧同事業成就,仲有無其他原因推動你工作?瞭解更多

 

延伸閱讀:

不甘做簡單文職 聽障女用眼睛聆聽客戶需要

「工作很悶,學不到東西」是你的轉職理由嗎?

Sunday抗返工抑鬱大法

 

此文章由jobsDB HK撰寫/編輯。如欲刊登於其他網站或刊物,請電郵至Editor@jobsDB.com與我們聯絡。如有發現侵犯版權,jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案