職場迷思:唔OT就代表不求上進?

Overtime work

香港打工仔在全亞洲、甚至在全球以開OT開到舉世聞名見稱。有返工時間,冇放工時間實屬司空見慣。除非老闆規定不准OT(係就比中獎更興奮),否則,加班風氣似乎喺每間公司都無法扭轉嘅現象。其實很多時OT未必代表能提升工作效率,冇OT又唔代表不求上進。睇吓以下兩個真實個案,你有冇類似經歷?

個案一:放工時間先開始正式工作,身心俱疲﹗

A先生是一名會計經理,日間辦公時間總會有唔同部門向佢諮詢財務問題,加上下屬慣性依賴,各項帳目都必須詢問A先生怎樣處理,弄得他一整日都在「應酬」同事下屬的要求,直到六點放工時,當各同事陸續離開後先可以安心處理案頭的工作,晚晚要成十點後先收得工。

分析及建議:A先生日間耗費大量精力應付同事的諮詢,入夜體力不斷下降,要處理精密的帳目資料確實會事倍功半。建議他設定一個固定的諮詢時間或向同事相約一個時間傾談,以便專心完成緊急工作;另一方面,也要培養下屬獨立的處事能力,讓較資深的下屬督導初級員工,可減輕自己的負擔。

個案二:老闆三點不露,下屬慣性OT

B小姐從事護膚品市場推廣,老闆天天「三點不露」,即下午三時後才會返回公司巡視業務,一留就留到晚上八點。B小姐和其他同事一樣,就算明明唔係咁多嘢趕住做,都晚晚留到老細離開先放工,為了打發時間,日間工作唯有hea住做。因此,B小姐一至五都唔可以同屋企人食晚飯。

分析及建議:B小姐可以在日間完成當日的工作後,在放工時間向主管詳細交代工作進度,並詢問主管還有什麼可以幫忙,如沒有緊急事項,可以告知先行放工。只要工作細節及進度交代得清清楚楚,放工果陣就唔會提心吊膽啦﹗

OT雖然似是大勢所趨 (或為勢所迫),但其實都是取決於個人選擇,即使公司充斥著加班風氣,當你能做好規劃,在辦公時間內完成份內工作交足功課,便應安心放工,不要為扮勤力而OT,讓自己有充份的作息時間,才可以養足精神每日繼續衝刺﹗