【長輩題 – 工作版】拜年親戚FAQ:「搵幾多錢?又轉工?你仲未搵到工?」

FacebookWhatsAppTelegramEmailCopy Link

「年,又過年,共慶歡樂綿綿……」面,又見面,共聚親戚問年年……鍾意問你的工作前程和「錢途」!面對一些事關個人私隱與公司機密的問題,唔想講出心底話,又唔想講大話,兼唔想影響新春和諧氣氛,而想應對得體,有請專家分享回答技巧。

問者有心定冇心,聽者須留神。基督教家庭服務中心盈力僱員服務顧問高級經理吳慧琪(Wicky)提點,迎戰大舅父三姑姐等提問,先從關係親疏、表情語氣等,嘗試了解其動機,究竟是出於關心,還是純粹八卦。打工仔回答時便可循兩個方向:一、對方真‧關心的話,可反映自己工作上無遇到任何問題,減少親人牽掛;二、只屬好奇的,甚至語帶諷刺,則表示說者自我感覺良好,你可以表示不認同對方的負面假設。速成這套內功心法,自可輕鬆應付5條拜年涉及工作情況的FAQ。

JobsDB測薪機,一撳即睇行業薪酬趨勢!

問題一:你一個月有幾多錢人工呀?

回應關心者:你放心啦,我嘅收入夠自己使,兼夠俾家用添。(心法:毋須透露實際收入,亦不宜在大庭廣眾提及簽訂薪酬保密協議。誠懇對應,令對方減少牽掛,不會再追問。)

答八卦一族:我嗰職位市場價由萬幾到幾萬蚊,過年後會有人工加,但暫時唔知加幅有幾多。(心法:反映個人對目前薪水滿意。)

問題二:你舊年畢咗業,到依家仲未搵到工?

回應關心者:唔使替我擔心,我要求高啫。遲吓再搵唔到,我自然會降低要求㗎喇。況且喺呢段時間,我都有學嘢增值㗎。(心法:令對方,特別是長輩放下心頭大石。)

答八卦一族:我人生第一份工作,要搵到百分百合適,有發展前景嘅先會做,暫時未遇到啫。(心法:若發現親戚語氣有點譏諷,宜心平氣和地回應。)

問題三:咦,你仲係做主任,二表哥嗰仔同你同年入同一行,佢依家已經係高級經理……

回應關心者:間間公司嘅政䇿唔同,喺我公司嘅架構,主任已經好高級。(心法:表明自己滿意現狀,橙亦不應同蘋果比。)

答八卦一族:間間公司嘅政䇿同架構都唔同,我好少同外面啲人比較。(心法:保持禮貌,顯示自己無被其「人比人,比死人」的問題困擾。)

▪拜年必備!親戚FAQ:人工幾多?幾時結婚?5個幽默神回應秒殺萬年長輩題

▪ 2023兔年邊個生肖有運行? 盤點12生肖開運顏色 「羊」人事業旺 「豬」隊友最搶手

問題四:點解你仲未轉工,你哋啲後生仔唔係興成日跳槽嘅咩?!

回應關心者:份工做得開心,有前途,好穩定,暫時毋須轉工。(心法:面帶微笑,講明份工好okay,對方自然「收貨」。)

答八卦一族:同期啲同學都唔興跳槽,我又唔係唔穩定嘅人,份工做落有興趣,仲睇到前景,咪唔需要轉住。(心法:對這帶點「以偏概全」的假設性問題,毋須不滿駁嘴,帶出凡事有另一面,回應點到即止便可。)

問題五:吓,你又轉咗工?仲轉埋行?成日咁跳,點解嘅?

回應關心者:趁年紀仲輕,我想試多啲唔同嘅工種;若有機會,我仲會試多幾行。(心法:強調不是「被」轉行,而是自己積極求變而已。)

答八卦一族:我喺無腳嘅雀仔,性格鍾意周圍跳。唔飛過,又點知外面嘅世界天大地大呢。(心法:用幽默感化解「挑機」問題。)

▪ 開工利是有公價?把握最佳時機向上級拜年 保持形象攻守兼備

▪【2023開工吉日吉時】放大假錯過兔年開工吉日?玄學大師醒1招「扮工」開運

一句到尾,避免「赤口」:

到底是大時大節,長輩問到尷尬的工作問題時,嬲佢唔知,話佢唔好意思,還是keep住和顏悅色吧。若是較年輕的平輩或後輩,可加些幽默感(如無腳雀仔),大家喜氣洋洋,迎接事業豐裕肥美的豬年!

 

此文章由jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,jobsDB保留採取法律行動的權利。

 

Increase your chances of getting hired. Create a jobsDB profile

Increase your chances of getting hired. Update your jobsDB profile

想收到更多JobsDB最新職場資訊?

熱門文章
正所謂「聖人都會錯」,返工犯錯是每位打工仔的必經階段,尤其是職場新人,面對全新的環境,更容易出錯,近日就有網民於討論區發文,感歎自己已返工半年,但仍是頻頻出錯、有很多「甩漏」,心裏很過意不去,更擔心持續下去會被「炒魷魚」……  樓主指發文當天發現自己入錯Excel資料,交了錯的Data給人,雖然上司沒責鬧,只是想辦法「補鑊」,樓主卻感到很不好意思,因為自己已返了半年工,試過「jot notes、用to do、excel記事」,但仍是有很多「甩漏」。而他覺得多ad hoc工作是自己多「甩漏」的原因,經常因此而偏離了原本的工作,令其大歎:「再咁落去好驚被炒⋯⋯」  帖文一出,網民紛紛留言提供意見,亦有過來人暖心鼓勵樓主:  ​​ ​  「我做咗5年嘢都仲係咁…只能夠要求自己交嘢比人之前check多幾次」  「好正常,有時太​大​​太​workload係咁,可以留半日check...
職場上,有時間觀念很重要,不少企業會設置一些出勤獎罰制度,以打擊員工的遲到行為。近日就有網民於討論區發文,直斥無良「蛇頭」公司竟實行「遲到連坐法」,表示若一個人遲到,就全員一齊扣人工,令其大感不滿,遂請教網民:「去報勞工處會唔會受理?」  樓主表示自己本想趁大學Sem break炒散賺下零用錢,怎料卻遇上無良「蛇頭」公司,並逐一列出其苛刻無理的規矩──起初「蛇頭」公司於炒散工WhatsApp群組講明:「即日請假係需要倒扣一日人工(即係冇咗嗰日嘅人工之外要再倒貼多一日嘅薪金,需要賠錢)」,而且「遲到十分鐘就會扣一個鐘嘅人工」;幾日後再行使「遲到連坐法」,稱「一個員工遲到就全部員工都會扣人工」,最後樓主補充:「出糧方面,一月嘅薪金會喺二月廿五號先收到」,他質疑該公司拖糧,但由於自己並沒簽約,所以不肯定,希望有網民可以解答他的問題。  帖文引起一眾網民熱議:  「見到一大堆字叫人唔好遲到會點點點就知係垃圾公司」  「提早10分鐘佢係咪俾番一個鐘人工我」  「我建議識玩就真係搵人遲到比佢扣,之後收集證據勞工處見」  「大把炒散啦,點解要返佢」  「每日返最後一個鐘,都係扣半日人工,好抵」  「發生咩事,點解咁既工都有人做」 ...
打工仔攞AL出門旅行,無非想完全放低工作,盡情享受沒有老細、同事、個客喺左近的Me Time,奈何十個老細幾乎有九個都會在員工放假期間,發訊息和你傾公事,於是乎,「放假老細仍WhatsApp你,該點算好?」一直是網上熱議話題,不少身受其苦的網民因而出謀獻計,讓放大假都照樣收到老細短訊的同路人,盡量可休假0打擾,安心放AL。  6成以上打工仔,放假時仍收到上司短訊  較早前有人資顧問機構向2千名打工仔進行調查訪問,結果發現超過6成人曾在放假時,接到上司、同事訊息,問及一些其實並無迫切性的公事,例如,「某個十劃未有一撇的計劃項目進展如何?」、「會不會出席Team Building活動或某某會議?」諸如此類的問題。  這種情況,的確會令原本帶著期待去放假的員工,因無法徹底從工作模式,切換至休假狀態,而感到非常無癮。於是,不少感同身受的打工仔,紛紛在網上獻計,希望欠缺「離線權」(Right To Disconnect)法例保障的香港上班族,可自求多福,盡量擺脫放假仍要面對公事之無奈。  ▪ 放假前指定動作──寫自動回覆E-mail...

十大熱門搜尋

Scroll to Top

Processing, please wait…