面試刁難問題點回答?見工被問:依家啲後生好自以為是,你點睇?

FacebookWhatsAppTelegramEmailCopy Link

 有網民在Facebook專頁奴工處投稿呻:「今日interview個陣畀個好串嘅部門經理問:『依家啲後生好自以為是,你點睇?你係唔係呢種人?』答Yes你又唔滿意;答No又唔高興,而家連見工都要先自我審查。」(原po link)

其他網友一人幾句:

見工遇上尖銳/針對性 問題多半是考驗求職者既 汁生/EQ/ 怎處理難題/ 個人性格特質…. 等等 (利申) 企出來既角度去回答便可以.”

要問清楚佢後生既定義係咩依家60歲都只不過係中年
40
50都可能係後生黎

呢個問題係態度問題,不分年齡,以前的同事我未相處過,唔知道態度係點,不作評論,我自己認為態度量好,願意學習。

答佢睇人囉D問題都唔一定係非黑即白,反問番佢莫講後生仔, D老坑都串串哄以為世界以佢為中心,你覺得有無D甘既人

 “對我份工有幫助而又合法既野,我都會做。

唔認同係自以為是,係有主見,唔似上一代人墨守死規

▪ 【Fresh grad面試攻略】見工5大能力測試,最新基準你要知

▪ Video interview有咩要注意?8大視像面試技巧、準備及衣着貼士

天下間的面試問題,由小學面試到大企業in人,不外乎分為兩大類:有得準備的和無可能準備的,各有應對攻略。而一般面試,兩類難題都兼而有之。

大路提問,事前捉路

有得事先準備的,相信各位曾in過工以至新鮮人都知之甚詳,這包括請應徵者介紹自己;講述個人優缺點;解釋離職/申請職位/空窗期原因;考考求職者對職位/公司文化的認識;求職者要推銷自己為何會獲聘;數年後如5年內職涯目標;對職位/公司還有甚麼問題etc。問題雖普通,卻能在一定程度起到申請者的「底子」,故幾乎間間公司in人均會用上幾條,坊間和網上自然不乏高人提供必勝應對技巧。須上面試戰場的求職敢死隊,只要廣泛參考,再套落個人實際情況,加上了解公司背景,上陣前袋定一些「標準答案」,臨場應不難闖過大路提問的關卡。

無定向發問,做戲做全套

但正因問題太大路,兼有得準備,便被有意測試申請人真功夫的僱主嫌棄。英美諸國一流學府招高材生、稱霸全球的科網巨擘請精英⋯⋯它們那些「估佢唔到」的提問,早就瘋傳於世。如牛津大學的「點解橙係橙色、天係藍色?」、Google早年的「將西雅圖所有的窗都洗淨應如何收費?」,香港公司亦緊貼這刁鑽問題潮流,除了上述正路之問,更發出「中咗六合彩,你仲返唔返工?」等天馬行空式提問,絕大部分難以試前準備,無確實答案。HR評估的是應徵者的急智、應變能力、分析能力、思考過程,以及最重要的、網友亦提點:態度。究竟interviewee是遇到難題就棄權,抑或是站在試場舞台上,就勇於嘗試不放棄,遇難越難,能憑執生出色而說服到觀眾(面試官)? 答案不言而喻了。

▪ 搵工新常態! 5大「非常手段」提升疫境求職成功率

▪ 【疫市搵工】中小企抗疫招聘新趨勢 兼職散工空缺或增加

一百萬的面試問題⋯⋯

至於網民大呻的面試經歷,要害既在部門經理的態度,亦在那屬於未能事前準備的問題,答又死,唔答又死。

串串貢 vs 不亢不卑

部門經理好串,可能是其人天生性格如此,亦可能只屬角色扮演而已。事關in人其中一招就是挑釁,挑戰申請人的EQ。那就切勿中計,忌以串還串,就算你志不在此工,也毋須當場黑面or反面,平心靜氣,態度良好地迎難而上。

欠邏輯 vs 有理有節

網民面試中,驟然聽到發問,也許未及在心中「篤爆」該問題的不合邏輯之處。一眾網友心水清,先是紛紛指出究竟是幾多歲才算「後生」?尤其是有高官提出60歲中年論的今天。其次,凡後生仔就會好自以為是嗎?而面試官其實早有定論:yes。這問題以偏概全,且有「年齡歧視」之嫌呢。應對時不必曲意認同,也毋須浪費唇舌爭論「後生」的定義。可以分析總有例外的後生仔,自己就是,肯聽取上司和同事意見,重團隊精神。態度不亢不卑,闡述有理有節,「正常」的interviewer,理應收貨。反之,如果對方繼續窮追猛打,取態咄咄逼人(超出角色扮演範圍),你要考慮一下,縱使獲取錄,他朝能否和諧合作?!因為他不是HR,而是部門經理,日後須直接與之打交道也。求職是人揀你,你也可揀人的。

 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及JobsDB保留採取法律行動的權利。

熱門文章
在近日的航空界裁員潮中,一群曾任職前線的航空界僱員或正在面臨職場轉換跑道的抉擇,無論是其甚麼崗位和資歷,建議你在JobsDB平台求職前,花小小時間完成以下5件事項,有一番準備才着手申請合適或有興趣的工作。 Step 1:註冊成為會員 填好基...

十大熱門搜尋

Scroll to Top