經過咗各式各樣嘅Interview，等待嘅期間先係最令人煎熬！究竟你成唔成功通過面試？如果唔成功可以點？如果成功收到Offer 又應該點樣應對？繼續為大家揭祕！
1. Interview完咗成日叫我返去等消息，究竟Interview 後大約幾耐會有消息？
Miss M （金融機構HR）︰如果嗰間公司想要你，Interview 後嘅一個禮拜左右都會有消息。因為有時HR 比較忙，需要時間同老細或者唔同 department 去傾傾、攞approval之類，大約需要一兩個禮拜就會出 offer。
R 姐姐 （公營機構HR）︰唔同公司嘅請人程序都唔同，等消息嘅時間亦都有機會因為僱主揀人嘅priority 而異，一般嚟講一個星期至一個月左右啦。
2. 如果等咗好耐真係無消息，可唔可以自行打電話去問？
R.D. （國際獵頭公司Recruiter）︰可以打去問，但要留意時間係唔係合理，例如唔好等咗一日兩日就打去問。另外次數亦要注意，最好先send email，如果無回覆，再打電話亦可。
A sir （資深IT Recruiter）︰如果等好耐都無消息，多數係代表唔成功，但你仍然可以試下send 個email 跟進下；或者打個電話都得，但唔擔保HR 有時間同你解釋。
▪ 2021年招聘新趨勢！態度、個性較First Hon畢業重要 求職面試如何加分？
3. 如果好不幸真係唔請我，我應唔應該詢問固中原因？
A sir （資深IT Recruiter）︰當然可以，但唔好期望一定會有誠實嘅答覆。
T 小姐（本地大型企業HR）︰我自己唔會問，因為一般無消息即係唔請。HR唔請一個人嘅原因可以有好多，好難透露點解，有時係由於公司內部原因唔方便透露。當然如果你in嘅係open style feel嘅公司就另計。
4. 終於收到通知有offer啦！但如果覺得對方開嘅條件（人工、福利等） 唔夠好，我可以點討價還價？
R.D. （國際獵頭公司Recruiter）︰可以進一步同對方商討offer package。如果直接溝通要注意用詞態度等；亦由於身分尷尬，所以商議幅度有限。可以的話，透過中介去做會更好。
T 小姐（本地大型企業HR）︰討價還價係可以嘅，直接啲講你理想條件同埋原因（例如原來你舊老細有挽留你，有提出加到某個數之類），我哋覺得合理都會反映。反而你唔講，我哋唔知點按雙方原則去調整。曾經有candidate試過計哂佢啲津貼、花紅等等，show俾我睇佢之前人工更高。呢種show返計法係幾好，因為有時我哋計法唔同，計到increment會一樣，等大家有個機會clarify下係一件好事。
▪ 面試見工想改時間至放工後？HR 揭祕：5大搵工interview常見問題
▪ HR 揭祕！搵工遇著同一招聘廣告登完又登、冇公司名係咩原因？
5. 如果我手頭上有B公司嘅offer，應唔應該同A公司講？
Miss M （金融機構HR）︰我個人覺得可以同A公司講！如果 A公司係有心請你，聽到你有 offer，都會加快請人程序、或者落力啲去遊說你。其實宜家好多candidate 都會同我哋講手頭上有offer，係一件好正常嘅事；亦代表呢位candidate 有潛能、有市場，證明我哋揀得無錯。
P.N. （日資獵頭公司 Recruiter）︰要睇下你講俾A公司嘅目的係咩︰係想討價還價？想爭加自己競爭力？可以諗一諗自己嘅目的同要求再決定。
6. 其實我需要時間去考慮接唔接受Offer，點解對方公司會俾咁短時間我去答覆？
R 姐姐 （公營機構HR）︰一般僱主都會希望你盡快回覆，咁佢哋可以快啲有人用呀嘛！如果收到Offer，都唔好心思思咁耐喇，盡快比個答覆僱主啦。如果真係想要耐少少時間考慮，一定要清晰向僱主表達。要求合理嘅時間考慮，僱主一般都會接受。
P.N. （日資獵頭公司 Recruiter）︰好簡單，比好短時間你通常係因為公司趕住請人，哈哈。
收到Offer 後嘅部署不比面試所花嘅心力少！希望大家睇完以上各位專家嘅意見，會有更加清晰方向，去為你哋嘅轉工大計作出合適嘅決定！
此文章由原作者及JobsDB HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及JobsDB保留採取法律行動的權利。
