馬會聘賽事見習學員 「讀多幾年書先入行,都未必夠膽上馬」

你想成為下一個告東尼、蔣嘉琦嗎?大好機會就在眼前!香港賽馬會由6月26日起招募新一屆「賽事見習學員」,為青少年提供投身賽馬事業的良機。學員日後除了有機會成為見習騎師、練馬師外,也可以在其他賽馬工作崗位上發展所長,例如騎術教練、獸醫事務技術員、馬術事務助理、釘甲匠等。


月薪10,000元 有運動員底子優先

今年賽事見習學員收生數目與去年一樣,招募約25人。投考人士須年滿15歲,至少完成中三課程,身高方面沒有規限;性格積極進取,做事專注及勤奮,並且熱愛體育運動。

見習騎師學校指出,歷屆均會收到約500至700份申請;由於近年女見習騎師「蔣嘉琦效應」,因此女投考者大增,男女比例甚至參半。馬會將先對收到的履歷表進行篩選,如過往有運動背景,將有較大機會獲邀請進行下一步的體能、策騎測試及面試,表現佳者更可晉身選拔體驗營,最終選出約25名賽事見習學員。

有幸獲選為學員的優勝者,將會被安排入住宿舍,接受為期9個月的基礎課程。受訓期間,需每天凌晨3時半起床進行馬房工作及晨課策騎,平日亦需接受體能訓練、學習英語、電腦、運動科學等,生活非常規律,只有7、8月馬季「抖暑」時才可以放大假。

馬會聘賽事見習學員-讀多幾年書先入行-上馬都會怕

見習學員需在馬房工作

其後馬會根據學員各方面表現,決定發展路向,表現出色者將有機會成為見習騎師,獲派前往澳洲、南非等地受訓。其他學員也可以在其他賽馬工作崗位上發展所長,並根據表現評估獲加薪;今年馬會更在賽事見習學員出路新增了獸醫事務技術員一職,無論台前幕後,都大有發展前景。

1100-chart-2017-c-noplus 230617


見習騎師潘明輝:「特訓只係頭幾年,唔覺得辛苦」

馬會聘賽事見習學員-讀多幾年書先入行-上馬都會怕死

現年23歲,綽號「火車潘」的新星見習騎師潘明輝,在17歲時剛考完會考便報名應徵。潘明輝的父親從事賽馬行業,小時候不時會帶他到上水雙魚河騎術學校看馬,「有時返學又見到啲人唔知點解會騎隻馬出條路行」,因此自小已對馬術產生興趣,希望長大後成為騎師,更「先斬後奏」報名應徵見習學員。父親了解此行業有一定挑戰性,但也沒有反對,只著他全心全意在這崗位上努力。

他表示,初入行受訓時並不順利,「樣樣嘢都唔夠人叻,乜都摱車邊咁,成日俾人鬧。不過因為咁,反而令我唔想俾人睇唔起,於是更加努力咁跑步、睇video,又問人意見,慢慢就捉到個竅門。」經過一番苦功,潘明輝終得償所願,獲晉升為見習騎師,並派往澳洲跟隨名師受訓。他出賽首年即憑51場頭馬,榮膺2015/2016年度馬季澳洲冠軍見習騎師,戰績彪炳。

不少人聽過賽事見習學員需經歷非常辛苦的訓練,或會感到卻步。然而潘明輝卻有另一番體會:「見習騎師體重一定要保持喺104磅,所以每日都要跑步45分鐘同做gym,生活好規律。有時難得放假,朋友約出去食飯,見到佢哋食啲好嘢,自己都唔敢食,因為食咗又要減返,所以有時就算約都寧願唔出去。但我知道其實只係頭呢幾年要搏盡,我自己又真係鍾意運動同動物,所以其實唔覺得辛苦。」

成為見習騎師後,除了每月有基本底薪外,上陣出賽可收策騎費每次600元,勝出更可獲得獎金。見習騎師受訓期大約5至7年,在香港取得70次頭馬,並完成賽馬證書課程後,便可獲升為自由身的騎師。


練馬師羅富全:「讀多幾年書先入行,都未必夠膽上馬」

馬會聘賽事見習學員-讀多幾年書先入行-上馬都會怕死

除了騎師之外,每個馬房只有一個、全港僅24個名額的練馬師一職,亦讓不少人趨之若鶩。現年51歲,最近終於榮升練馬師的羅富全,同樣因為父親於馬房工作而立志入行,並年僅15歲時已加入當時的見習班。他憶述:「當年係搵個軍人訓練我哋,要我哋每日捧住舊石跑步、做指上壓、爬繩。相比起嚟,而家嘅訓練已經系統化好多。」他其後升為見習騎師及自由身騎師,至29歲轉職幕後。

入行36年,羅富全表示,近年香港騎師發展已較容易:「以前好多見習生,又多外藉人士,競爭好激烈。而家新人待遇唔同咗,有機會去外國受訓,出賽機會亦比以前多,只要肯勤力,爭取表現,就會慢慢建立到口碑。再加上而家北望神州,喺內地起新馬房,會需要更多人手。」

做過騎師和助理練馬師,經驗豐富,問羅富全覺得哪個崗位較好玩?「一定係做騎師好玩啲,可以享受騎馬嘅速度感。至於練馬師就要因才施教,根據隻馬嘅體格同傷患記錄,幫佢哋設計訓練日程。」此外,與騎師一樣,助理練馬師升為練馬師後便屬於自僱人士;練馬師除訓練馬匹外,亦需經常出席社交場合,應酬馬主及向馬主滙報馬匹情況,以及廣交人脈。

賽事見習學員大多於15、16歲就入行受訓,現時不少父母主張讓孩子多唸幾年書才投考,羅富全對此並不讚同:「20歲咁大個人先入嚟,其實根本做唔到,叫佢上馬都未必夠膽。我都有小朋友,其實我覺得小朋友鍾意嘅話咪俾佢試囉,唔好話怕佢辛苦,而家做咩工都辛苦㗎啦。」

馬會聘賽事見習學員-讀多幾年書先入行-上馬都會怕死

接受申請:2017年6月26日至7月19日

體能測試:7月28日

面試及策騎測試:8月14日

選拔體驗營:8月21-24日

收生數目:約25名

入職薪酬:約$10,000

申請方法:在馬會「賽馬培訓發展委員會」網站www.hkjc.com/rdb填寫申請表格

 

延伸閱讀:

馬會:在萬五份履歷中尋找熱誠與真誠

見工必答題之「點解你想做呢份工」

避開履歷表8大地雷

 

此文章由jobsDB HK撰寫/編輯。如欲刊登於其他網站或刊物,請電郵至Editor@jobsDB.com與我們聯絡。如有發現侵犯版權,jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案