黑心商店 ︰縮骨精神,利己害人

如果你係返緊朝九晚六嘅文職,咁Office 呢個地方大概就係你「第二個家」。而辦公室入面嘅眾生,可以係carry 你準時收工、並肩作戰嘅「神隊友」;亦都可以係令你返工慘過落地獄嘅「豬隊友」。所謂急急如律令!今日貧道嘅「Office 八卦鏡」一開,為大家照亮職場,各奇人異士統統現形,報上名來!!

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析

 黑心商店-縮骨精神,利己害人

「三打縮骨精!」

唐三藏取西經嘅路途上,遇到各式各樣嘅妖魔鬼怪;而係Office 返工嘅你同我,就隨時都會遇到令人咬牙切齒、怒火中燒嘅同事!而當中,為人「姑寒」又自私嘅縮骨精就最令人討厭!

▪菜鳥同事:分清真假「OT」文化

▪下載ios版本jobsDB手機app 或 下載Android版jobsDB手機app

1.縮骨工作好小氣!

如果你嘅部門有位縮骨精同事,相信你係公事上好容易就會發火!雖然話「商場如戰場」,如果係Sales 之類嘅職位,多少都會存在競爭。但係縮骨精為咗自己嘅利益,會用盡縮骨方法,進行一切損人利己嘅行為!曾經見過有Senior Sales 獨霸網上資源,仲私底下吩咐其他同事幫佢做嘢,而唔按規矩將resources 公開比大家,目的就係為左繞過其他同事,等自己一個可以獨吞有潛力嘅客人,將利益盡收入自己袋中!又聽過有員工明明同其他同事同一個grade,但係就將責任推俾其他人做、或者自己跟開嘅工作出咗問題,就吩咐其他同事代自己Send Email 向客道歉。如果你嘅責任可以推俾其他人、甚至縮骨到連認錯都要其他同事幫你執屎,咁不如老老實實,月尾出糧、年尾分花紅你都推埋比我啦好嗎?

2.縮骨自私難相處!

大家係同一間公司,甚至係坐隔離位,就總會有唔少公事以外嘅相處。而縮骨精必定會將佢地嘅縮骨精神,100%咁發揮係工作間。相信大家都有聽過網上流傳,有某公司嘅男同事係唔會幫手換水。嗰位男同事拎住隻吉杯行埋去部水機到,見到無水係會選擇唔飲然後行開!喂大佬,其實你隻手係唔係「不舉」?幫幫手換桶水都咁難為你?係手骨有事,定係腰骨有事呀?又有朋友親身經歷,大時大節客人會送下花籃或者禮盒,作為英明嘅領導層就一定會將好食嘅、名貴嘅、名牌子嘅帶返自己屋企,然後將就快過期或者好難食嘅禮品Share俾大家。如果你好彩啲,我恭喜你呀你係會得到包裝盒一個。呀縮骨精先生/小姐,其實啲糖果餅乾年年你都食唔少啦,真係需要咁自私一個獨食咩?

 ▪我做Marketing:職場交叉點:同事犯錯,你會唔會出聲?

 ▪【同理心去哪兒?】職場10大缺德騎呢劣行,挑戰同事的包容度﹗

3.縮骨去玩驚蝕底!

有時公司會有活動,俾大家同事可以一齊出去玩下慰勞下同事,但係當你望到縮骨精同事嘅自私行為,就會好想大叫︰「好無恥呀!」話說,有一位朋友嘅大公司,不明文規定每年都會搞次旅行,而旅行嘅慣例就係由大家輪流請下食飯或者買手信,等大家都可以開心下。點知,有年成班同事去旅行,作為大粒嘅縮骨精竟然詐傻扮懵,全程都無請過大家食飯,仲掉返轉屈個細嘅請。咁樣都算啦,去到旅程最後一日,呢位大粒唔覺意幫大家比左錢買嘢飲,到最後佢都堅持要係公數袋拎返,所以個幾百蚊野飲都係由大家自費。我明白,無人話去旅行或者去玩,一定要由老闆或者上司埋單。但係如果個次嘅活動係打算「慰勞員工」、亦都商量好「輪流請」嘅話,我對於呢位大粒嘅行為就真係反晒白眼,倒不如一開始就講明大家AA制,自己比返自己個份,唔好未去之前又要威,去到要埋單就戴晒頭盔啦。

係職場打滾,少不免要好好保護自己嘅利益,呢樣野我都非常贊同。所以縮骨精令人討厭嘅地方,唔單止係佢地過份自私同貪心,更加重要嘅係佢地嘅行為都係損人而利己。其實退一步諗,大家都係打返工,預期要為左一個禮盒、幾樽野飲令大家唔開心,倒不如試下分甘同味,可能得到嘅掌聲同欣賞更加有意義。

黑心商店
香港90後,熱愛繪畫及恐怖片。於2016年創立Facebook Instagram 專頁《黑心商店》,以黑色幽默 + 香港文化的恐怖插畫,為忙碌的香港人帶來一點歡樂。#重口味 #喪屍 #妖魔鬼怪 #香港文化 #haksumshop

延讀閱讀:

黑心商店︰Office 八卦鏡,照住新年後辦公室班財神爺

黑心商店︰Office 八卦鏡,照住新嚟嗰舊新豬肉……

張晨:「出於對公司的善意,也許就是對其他同事的惡意。」

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案