黑心商店:職場毒舌風暴

每個辦公室總有一兩個毒舌!平時鍾意講是講非,大爆同事私隱、又會圍埋一齊攻擊其他人,甚至乎無中生有,造謠生事……大家小心呢條又長、又臭、又有攻擊性嘅毒舌頭呀!

黑心商店-毒舌風暴

1. 講是講非,口沒遮攔

有位朋友向我爆料,舊公司有毒舌試過偷睇文件,再背晒其他同事嘅資料,然後喺Office 大大聲講出嚟!喂私隠嚟㗎!有無禮貌呀?

又聽過有毒舌會偷聽同事講電話,再大大聲唱比全公司聽人哋會去見工!收聲啦大喇叭!真係未辭職都比你唱到想走啦!jobsDB category leadership 2

2. 同事互數,惡意中傷

除咗鍾意亂爆私隱,毒舌嘅喜好就係圍埋一齊,喺背後數人︰「唉呀你睇吓佢個妝唔係好得喎,連唇膏都無搽!」「好心啦,佢個身咁厚肉仲著呢條裙,肥肉揤晒出嚟啦!」「公司好凍咩,著咁多衫,使唔使著羽絨呀?」「哇佢件衫有無洗過㗎,行過有陣味喎!」照下鏡先數人啦!自己又唔係特別好特別靚,有咩資格去人身攻擊其他人呀毒舌!

▪ 置地記者:「一味擴音的喇叭,累人累己知道嗎?」

▪ 我做Marketing:職場見到都眼冤嘅同事

3. 添油加醋,含血噴人

聽過有朋友公司入面有一對情侶,但係就比毒舌大唱特唱︰「喂我尋晚見到你男朋友係地鐵站,仲要拖著第二個女仔喎!」但係……事實上呢對情侶尋晚係全晚一齊無分開過……請問毒舌係咪太過陰毒導致雙目失明?嘢唔可以亂食說話更加唔可以亂講呀大佬!

4. 終極大佬級

有人爆料,聽過有黑心毒舌向上級投訴,話自己畀男同事性騷擾!!結果引起軒然大波,事件非同小可!最可怕嘅係,事後有人聽到佢親口講,係玩嘢要害個同事先含血噴人!好講唔講拎職場性騷擾呢啲嘢去講,毒舌Level 直逼魔鬼!

▪【同理心去哪兒?】職場10大缺德騎呢劣行,挑戰同事的包容度﹗

▪ 是甚麼造就職場欺凌?辦公室人性困獸鬥,平凡人藏着最壞的心眼……

 

黑心商店
香港90後,熱愛繪畫及恐怖片。於2016年創立Facebook Instagram 專頁《黑心商店》,以黑色幽默 + 香港文化的恐怖插畫,為忙碌的香港人帶來一點歡樂。#重口味 #喪屍 #妖魔鬼怪 #香港文化 #haksumshop
 
 
 

閱讀:

黑心商店︰「辦公室聯盟!衛生之戰!」

黑心商店 ︰縮骨精神,利己害人

黑心商店︰Office 八卦鏡,照住新年後辦公室班財神爺

 

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案