黑心商店:銀行客服拆穿客人交假文件,對方發難:「我要見經理呀﹗」

FacebookWhatsAppTelegramEmailCopy Link

無論你係開戶、轉帳、存錢,相信大家都有去過銀行大排長龍嘅經驗!今次就有任職銀行分行嘅客戶服務主任,同大家分享下各種奇人怪客!

發難咆哮 怒震銀行

客服主任話自己算好彩,無乜遇到惡客,唯一一次係有客人要求拎返戶口嘅相關文件,但最終拎到嘅文件同佢要嘅唔一樣,於是就嬲爆爆返轉頭,係間房入面大叫︰「點解你會俾呢樣嘢我呀?我唔係要呢啲呀!點解你地銀行幫唔到我呀?我要見經理呀!」就算閂左玻璃門,出面都仍然聽到好清楚憤怒客人嘅怒吼!

我再追問,點解個客會咁躁呀?主任解釋,原來客人應該想出蠱惑,拎一啲隱藏咗事實嘅文件另有所圖,但係奸計未能得逞咪發脾氣囉!

炎炎夏日 銀行避暑

主任又話,原來曾經有段時間,有個客人每朝早都會嚟銀行。佢唔係嚟排隊、唔係嚟使用服務,而係帶埋份報紙坐喺銀行入面嘆冷氣!慢慢睇咗幾個鐘之後,呢個客人就會自行離開。由於客人並無影響其他在場人士,所以主任都話佢哋唔會規管客人,任由佢地留喺銀行入面。

▪ 黑心商店︰「嚇」人永遠是對的

▪ 黑心商店 :髮型師奇遇之江湖人士出「霸王剪」,阿爸不滿囝囝髮型竟動手?

排隊打尖 要求報警

唔知幾時開始,排隊就已經成為咗香港人嘅日常生活,而係銀行入面排隊更加係司空見慣。有次曾經有人排隊打尖,令到其他客人非常不滿,先係粗口問候,繼而揚言要求報警!銀行客服主任見狀,立即安撫大家情緒,整理秩序,先可以化險為夷。

結語︰任職銀行嘅職員,每日唔係面對數字就係應付客人,真係需要好高嘅EQ同耐性!

黑心商店
香港90後,熱愛繪畫及恐怖片。於2016年創立Facebook Instagram 專頁《黑心商店》,以黑色幽默 + 香港文化的恐怖插畫,為忙碌的香港人帶來一點歡樂。#重口味 #喪屍 #妖魔鬼怪 #香港文化 #haksumshop
 
 
 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及JobsDB保留採取法律行動的權利。

熱門文章
每個行業都有佢嘅術語,地盤當然唔例外啦!今日就等地盤佬為大家介紹咁有特色嘅地盤字。 寫出嚟嘅地盤字 如果要問地盤字嘅精要係咩,我會答你係「簡」。即係好似簡體字咁,將所有嘢都盡量簡化。例如除咗正式報告之外,冇人會寫混凝土,一係就寫「石屎」,一...
受疫情影響,多了人選擇居家抗疫和Work From Home,電子商務(E-Commerce)的發展步伐亦因而加快。隨著愈來愈多產品及服務轉移到網上銷售,市場對相關工種的需求也有所增加,例如負責網上營銷推廣的Digital Marketer...

十大熱門搜尋

Scroll to Top

Processing, please wait…