黑心商店 :髮型師奇遇之江湖人士出「霸王剪」,阿爸不滿囝囝髮型竟動手?

FacebookWhatsAppTelegramEmailCopy Link

就算你係天皇巨星,佢叫你企你就要企,叫你坐就要坐!佢係邊個?就係今期嘅主角︰髮型師!有位相熟嘅髮型師哥哥,擁有幾十年經驗,亦都遇到唔少怪客︰

教師髮型唔可以太似教師?

髮型師哥哥曾經幫一位年輕女士剪頭髮,言談間知道對方係老師,所以就幫佢剪返個斯文髮型。點知剪完之後,個女士竟然爆喊,問髮型師點解剪到佢「成個老師咁」!髮型師哥哥講返都笑到收唔到聲︰「大佬,你話你係老師,我咪剪返個老師髮型囉!唔通點呀?」

個仔剪完扭計 老豆火爆動粗

有對父母帶個仔剪頭髮,一路剪個呀媽都點晒頭好滿意。點知一剪完個仔就扭計話肉酸,個阿媽竟然轉軚,話唔知髮型師剪到咁嘅樣!個老豆當堂扯火,指住髮型師哥哥出口大罵,繼而想郁手打交。但係髮型師嘅身體比較大隻,就算火爆老豆出手推佢都不動如山,反而個老豆爭啲跌低。

▪ 黑心商店︰「嚇」人永遠是對的

▪ 黑心商店 ︰不速之客—玩具店老闆VS老千買家

江湖人物「霸王剪」

髮型師哥哥曾經係油尖旺開工,間唔中好多江湖人士幫襯。佢哋會唔會好難服侍?咁又唔會,不過有時會比多幾十蚊做貼士,有時剪完髮頭也不回就行出髮型屋……

一碗餐蛋麵

最後,髮型師講左個好warm嘅故事。有一年年尾,幫個客剪頭髮剪到夜晚大約十點,附近餐廳都已經閂哂。個客知髮型師未食飯,就問佢想食咩,髮型師隨口答「餐蛋麵啦!」個客真係返上樓上屋企,親手煮碗餐蛋麵比佢食!真係暖意湧上心頭!

黑心商店
香港90後,熱愛繪畫及恐怖片。於2016年創立Facebook Instagram 專頁《黑心商店》,以黑色幽默 + 香港文化的恐怖插畫,為忙碌的香港人帶來一點歡樂。#重口味 #喪屍 #妖魔鬼怪 #香港文化 #haksumshop
 
 
 

此文章由原作者及JobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

熱門文章
後生仔想投身廣告行業,只要拎住張相關學科的大學畢業證書,就是十拿九穩入場券?或者,在線下需求有減無增的世代,你就算無超級網紅Loren Gray的神級粉絲數量,但自家經營的IG、FB帳戶,有上萬忠粉在追隨,亦足以令有江湖地位的廣告公司向你招...

十大熱門搜尋

Scroll to Top