黑心商店︰Office 八卦鏡,照住新嚟嗰舊新豬肉……

如果你係返緊朝九晚六嘅文職,咁Office 呢個地方大概就係你「第二個家」。而辦公室入面嘅眾生,可以係carry 你準時收工、並肩作戰既「神隊友」;亦都可以係令你返工慘過落地獄嘅「豬隊友」。所謂急急如律令!今日貧道嘅「Office 八卦鏡」一開,為大家照亮職場,各奇人異士通通現形,報上名來!!

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析

 

黑心商店︰Office 八卦鏡,照住新嚟嗰舊新豬肉

「新嚟新豬肉」

每個最親密既知己都係由陌生人開始,而每個江湖老手都曾經係職場新鮮人。所謂「新嚟新豬肉」,每個新人入職都一定係既興奮又緊張,如果唔打醒十二分精神,分分鐘踩左地雷都唔知咩事!

新豬肉之新手上路

相信大家返工嘅第一個月,都係用嚟摸熟工作內容,如果醒醒目目都應該會Handle 得到;但係有時同事忙到無時間,真係有嘢唔明都唔敢問。曾經有個朋友同我講,Fresh Grad返第一份工真係乜都唔識,但係身邊所有同事都忙到一頭煙,結果頭三日望住同事打仗,而自己就只係可以坐喺到扮工,雖然悠閒但係感覺都唔好受!

 ▪Son姐教路:新人燒CD出事說起世代不同

▪下載ios版本jobsDB手機app 或 下載Android版jobsDB手機app

新豬肉之幾點放Lunch

如果你間公司夠warm,通常都會拉大隊食Welcoming Lunch,等大家一邊食飯一邊吹水,可以幫助新豬肉盡快融入。不過……有啲公司就未必咁有組織,同事之間早就已經形成食飯圈子,搞到新豬肉搵唔到飯腳……好可能頭一兩日要自己一個食飯。如果你真係咁慘豬,可以試下Lunch 之前同傾得埋既同事吹下水,借故問下附近有咩好食,再相約一齊試下,咁就可以為自己既Lunch Hour 搵到盟友!

新豬肉之職場攻防

兩個星期過去,你以為你慢慢掌握Job Duties?又以為自己同同事打成一片?真正嘅考驗而家先開始!你永遠唔知邊位阿姐手握重兵,一句說話就可以帶嚟腥風血雨;你亦都估唔到邊個同事擅長放暗箭,「叫聲將軍提防提防!」。人事往往係職場最難搞嘅地方,要係呢場攻防戰中得以生存,就要切記「禍從口出」,分清敵我之前都係小說話而多做事;同時用心觀察各位同事,儘量搵到同你夾埋咀形,可以做到互相提點、並肩作戰既好同事,成為大家值得信賴既好隊友!

▪當學生妹成為KOL:華麗上堂嚇親阿sir,Gap Year一年尋找讀書以外的可能性……

新豬肉之自我努力

職場新人,就有如一塊肥豬肉放係砧板上,任人魚肉。但係只要你係工作上發揮所長、同同事相處融洽、識時務者避開地雷,咁最終豬仔都可以變做羅志祥!

黑心商店
香港90後,熱愛繪畫及恐怖片。於2016年創立Facebook Instagram 專頁《黑心商店》,以黑色幽默 + 香港文化的恐怖插畫,為忙碌的香港人帶來一點歡樂。#重口味 #喪屍 #妖魔鬼怪 #香港文化 #haksumshop

延讀閱讀:

【同理心去哪兒?】職場10大缺德騎呢劣行,挑戰同事的包容度﹗

一小時生活圈不是夢!香港最方便返工放工地點除了中環,還有它們……

日常工作是食飯與購物:神秘顧客要演技好,任務愈複雜報酬愈優厚﹗

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案