黑心商店︰Office 八卦鏡,照住新年後辦公室班財神爺

如果你係返緊朝九晚六嘅文職,咁Office呢個地方大概就係你「第二個家」。而辦公室入面嘅眾生,可以係carry你準時收工、並肩作戰嘅「神隊友」;亦都可以係令你返工慘過落地獄嘅「豬隊友」。所謂急急如律令!今日貧道嘅「Office八卦鏡」一開,為大家照亮職場,各奇人異士通通現形,報上名來!

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析

 

黑心商店︰Office 八卦鏡,照住新年後辦公室班財神爺

「財神到!」

過左農曆新年,各行各業都已經陸續啟市。相信大家都同我一樣,好唔捨得呢個新年假期;但係新年後返工都有樣嘢值得開心,就係可以逗!利!是!今次就同大家講下,喺Office會遇到嘅一種同事,猶如「財神爺」一樣,為人大方友善,鍾意同同事分享,連新年利是都特別大封﹗

▪見工迷思:面試後為甚麼遲遲未有回音?

▪下載ios版本jobsDB手機app 或 下載Android版jobsDB手機app

財神到之開心些牙

返工坐足成日悶悶地,最開心嘅時光就係同同事一齊食零食吹下水!有種「財神型」同事非常大方,就算公司本身提供左零食,都會自掏腰包,買各種好食嘅零食,帶返公司同一班同事「開心些牙」!歐美日韓各種「口立濕」,薯片朱古力餅乾糖果樣樣齊!亦都有同事行健康路線,三不五時買時令水果︰香印提子、西班牙蕃茄仔等,令到大家食到唔停口!亦都聽過有同事會買埋湯料返公司煲湯俾大家滋補,真係甜到入心,大家做嘢都落力啲啦!

 財神到之千里鵝毛

相信唔少人去旅行,都會買返幾盒當地土產作為手信,拎返香港派俾同事,可以一路食住特產,一路分享旅行嘅見聞;亦都可以慰勞同事,係自己放假期間分擔咗工作。曾經有同事去泰國旅行,為公司嘅每位同事都買咗一枝薄荷棒,等同事係做野做到攰嘅時候可以醒下神。雖然手信唔貴,但係千里送鵝毛,收到同事貼心嘅禮物永遠都係最令人難忘,十分難得。

 ▪日日上演塞車、湊老細、開OT,打工仔:「每隔兩秒我都想轉工﹗」

 ▪【同理心去哪兒?】職場10大缺德騎呢劣行,挑戰同事的包容度﹗

 財神到之利是逗來!

「恭喜發財!」唔知大家今年收到幾多封開工利是呢?無論份量輕重,最重要都係心意行先!不過,有位朋友今年初四啟市,發現老闆派嘅兩封開工利是,竟然係每封五百大元!你無睇錯,係合共$1,000!收到咁大手筆嘅利是,真係即刻由「初四咁嘅樣」變做「心心眼」啦!如果新年可以去同事或者上司屋企團拜,就大大增加節日氣氛同埋團隊精神,齊齊「利是逗來」啦!

無論係share水果零食、送贈旅行手信,甚至係大手筆嘅開工利是,係職場上可以遇到大方分享嘅好同事、好老闆,都真係要好好珍惜;因為珍貴嘅並唔係禮物本身嘅價值,而係禮物背後嗰份友善嘅心意。當你遇到呢種「財神形」同事,記得適當時候要投桃報李,咁先可以「朝晚多多歡笑 錦繡前程」!

黑心商店
香港90後,熱愛繪畫及恐怖片。於2016年創立Facebook Instagram 專頁《黑心商店》,以黑色幽默 + 香港文化的恐怖插畫,為忙碌的香港人帶來一點歡樂。#重口味 #喪屍 #妖魔鬼怪 #香港文化 #haksumshop

延讀閱讀:

請病假唔係打個WhatsApp咁簡單

尾糧計法:Last Day在月中 離職以日計薪 勿忘扣掉強積金

辭職的迷思:年假可以代替通知期嗎?

此文章由原作者及jobsDB HK撰寫/編輯。如欲刊登於其他網站或刊物,請電郵至[email protected]與我們聯絡。如有發現侵犯版權,原作者及jobsDB保留採取法律行動的權利。

 

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案