網民：停電無沖涼被同事排斥 盤點同事8大惡頂污糟劣行 突然污糟或有隱藏問題？
大熱天時「痴笠笠」，最幸福的事莫過於回到家可以即刻沖涼，然而月前朗屏站附近電纜橋起火，導致屯門、天水圍、元朗數十萬住戶停電，部分地區更一度停水。有受影響的打工仔就於討論區大吐苦水，指因停電停水未能洗澡而被同事嫌棄、排斥，結果竟不獲網民同情，反被指責？！
樓主是「元天屯」停電的其中一戶苦主，本以為翌日便會恢復供電，可以梳洗後才返工，怎料事與願違，樓主只好戴帽遮「油頭」、噴古龍水掩汗味返工。同事們都很關心樓主停水怎樣洗澡，他唯有從實招來，結果同事們反應很大，嫌棄樓主有汗臭味，更排斥他不與他一起外出用膳，令樓主大喊：「停電冇水沖唔到涼我都唔想架！」
帖文一出，網民竟一面倒認為樓主有問題：
「點解唔請半日假？租一日酒店執返自己個樣都好」
「買包濕紙巾抺身都唔識？」
「去第二區朋友屋企借個廁所沖涼都唔得？」
「公眾泳池好似重開咗？你畀入場費入去沖個涼囉。」
「跨區去康文署啲體育館／俾錢入泳池都已經有得沖涼…」
「大條道理有得請假都唔請，傻仔。」
（按此看原po）
▪ 唔識拒絕工作要求？職場學懂4招Say No 圓滑地逐步擊退「熱情」同事
▪ 同事以上，朋友未滿！職場人際忌與宜：3大技巧拿捏適當距離
調查：打工仔最難接受衞生欠佳的同事
樓主停電停水的慘況小編相當同情，但亦難怪同事嫌棄啊！皆因有調查發現，打工仔最難接受衞生欠佳、公司住家化及躁底的同事，畢竟office是公眾地方，任何衞生問題都會對其他同事構成影響，自然惹人反感。不過樓主的同事們亦應展現同理心，設身處地體諒樓主的情況，避免反應過大，傷害到當事人。
同事8大惡頂邋遢行為
撇除樓主這類個別突發意外，大家又有沒有遇過一些慣性污糟邋遢的同事？又有見識過以下8大office最惡頂的邋遢行為嗎？
惡頂污糟行為第8位：「打乞嚏唔揞口」
有種同事打乞嚏前永遠不會先作通知，更慣性不掩口鼻，以致口水、鼻水全面噴發攻擊同事，閃避不及的同事只好全盤「硬食」；即使有用手掩口、鼻，但口水、病菌殘留掌心，他們亦不會洗手！不過疫情後已減少了這樣的情況，因為大家都有口罩擋一擋。
惡頂污糟行為第7位：「成枱垃圾」
有種同事很「念舊」，枱面總是放滿雜物，猶如小型垃圾堆填區。不論是沒清洗的餐具、開封過但未吃完的零食，還是放到發霉的外賣、積存已久的「餛飩」等都能找到。坐附近的同事最慘，除了要忍受異味，更可能身陷「小強」集中地！
惡頂污糟行為第6位：「自己儀容唔理仲要影響到人」
有種同事極度不注重個人形象及衞生，可以整個星期都穿同一套衣服、長期油頭垢面、眼鏡滿是油漬污垢，整個人散發陣陣體味，最惡頂是他們經常「頭痕」，每次「R頭」就如同落雪一樣，頭皮散落四處⋯⋯
惡頂污糟行為第5位：「剪指甲」
明明剪指甲只是短短數分鐘的事，但總有些同事喜歡帶回office做，而且每隔幾天就剪一次！剪到「啪啪聲」之餘，有時更剪到指甲亂飛，甚至彈到同事枱面，非常噁心！
▪ 同事告密上司討厭自己 網民：「惡意打擊」教你如何與這4種上司相處！
惡頂污糟行為第4位：「擠暗瘡」
比剪指甲更公司住家化的行為是擠暗瘡！這種同事完全當office是自己屋企，隨心所欲，公然在Office擠暗瘡，有時長了「巨型石頭瘡」照擠，不小心望到真是恨不得洗眼……
惡頂污糟行為第3位：「去廁所唔洗手」
正所謂「眼不見為淨」，這種行為見不到還好，但當你親眼目睹同事沒有洗手便離開廁所後，就回不了頭，試想想那些大家都會觸碰到的文件、水機、門柄等……全部已被污染。
惡頂污糟行為第2位：「撩完鼻屎周圍摸」
有種同事喜歡於人前撩鼻屎，還要是「裸手指」撩得旁若無人那種！本來可以視而不見，但有時他們會誇張到周圍彈，又不洗手周圍摸，實在令人反胃！
惡頂污糟行為第1位：「去完廁所永遠有手尾」
最噁心的行為永遠發生在廁所！有些同事非常無手尾，又缺德，凡去過的廁所便留下痕跡，廁格內經常出現一些你想像不到怎樣發生的畫面，例如成地紙巾，地下滿佈液體、廁板有鞋印等等，有時真的覺得上廁所非常需要考牌！
辦公室是大家長時間工作的地方，大家都有責任維持整潔，保持公德心，切忌影響他人。尤其現時疫情反覆，更應注重個人及環境衛生，否則非常影響同事的身心健康，更會降低團隊士氣及工作效率。
▪ 2022全球幸福指數排行榜 港列81位 疫情下工作壓力大增 6個方法助打工仔調整心情
污糟同事 背後或有苦衷？
有專業人士就指出，如同事有不雅衞生及躁底等情況，背後或可能隱藏性格、壓力、甚至創傷等問題。他建議同事及公司管理層應多關懷背後原因，學會體諒，並以正面及理性的方式，有技巧地反映對方問題，避免說出冒犯和歧視的言辭，協助對方度過難關，才是正確的處理方法，並達至雙贏局面。
此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。
