地盤佬日誌——做地盤好好搵？
近幾年每次建築業工會一公報下年的各建築行頭的大工建議日薪後社會上都唔有一定迴響，不小人會葡萄話大學生都無咁高人工。
一入地盤就咁好搵？
好多人覺得一入地盤就可以有報紙講嗰個咁高的工人，但其實一入地盤初頭都係先要做幾年散仔/中工/雜工，呢個時候人工可能連大工的一半都無。入到地盤做幾年等技術同人際網絡提升到真係師傅的時候先可以升做大工，否則升了大工都無人搵你開工。又例如你見到十個工人一齊落石屎但可能只有兩三個工人係收石屎佬價，其他工人都只係收雜工價（兩者人工差兩至三倍﹚。升咗大工人工就高？正常情況下大工已經係地盤工人的頂點（特別人士除外﹚ 。
立即搜索熱門新工
咩行頭好搵?
最好搵一定係判頭老細，不過可以話係高風險高回報，做得判頭老細先要有半年資金頂數（所有人工加材料錢)好易一鑊俾人橋起（老細唔找數﹚。
大行頭來講就一定係結構三寶（釘板扎鐵落石屎）最好搵正常大師傅都有二千幾蚊一日不過真係好辛苦。其他行頭一般師傅多數係千幾蚊一日。
不過其實日薪最好搵的都係D特殊工種例如潛水燒焊佬丶炮王（放炸彈人）、大型機器機手等等
正常佢哋都係「全年唔發市，發市食全年」。其他日子佢地通常會做其他有啲相關嘅簡單啲工作，不過做其他工種時人工當然冇咁高。
Jobsdb「引才法則」調查報告顯示，建造及建築界人才最重視以下工作因素﹗立即click入以下圖片睇更多該行業之打工新趨勢﹗
點先會高人工？
以前好多人有個迷思，就係讀書越多書就搵得越多錢，呢樣嘢係基於以前讀書人少，因為供求問題先讀書人搵得多錢，而家一街都係大學生，根本讀書人現在嘅現象就係供過於求，所以除咗讀得多書之外都需要有其他技能。要搵得多錢主要睇你幫唔幫到老細賺錢同有冇人可以取代到你。有足夠嘅條件老細先比到好價錢你。
港夫．李澳
香港土生土長，近年來移居澳門，一個熱愛畫畫的地盤工程師。開立了facebook page「港澳小不同」，通過圖文來與人分享我心中所想。
檢視此作者的所有文章
此文章由原作者及Jobsdb HK撰寫／編輯。如欲刊登於其他網站或刊物，請電郵至[email protected]與我們聯絡。如有發現侵犯版權，原作者及Jobsdb保留採取法律行動的權利。
